Paolo Sorrentino do ta kishte zili një skenë të tillë për të mrekullueshmin “La Grande Bellezza”: Një Festë në qendër të Tiranës, në një lokal luksoz, të ftuar “ajka” e biznesit dhe administratës. Në sfond Ilir Meta që bërtet ndërsa mbështet Sali Berishën në katin e tetë. Muzikë fantastike dhe ushqim si në lokalet më të mira të Europës, me një ndryshim: Në qendër të lokalit në vend të një DJ, një fallxhore me nam, që me letrat e saj pret në radhë të lexojë të ardhmen e të gjithë pjesëmarrësve në festë. Radha para saj nuk pushon, deri në pushim të festës. Të gjithë duan të dinë, të gjithë duan të njohin se kush po i sulmon e kush i mbron, sa para’ do të bëjnë, ndërkohë që para’ lenë në tavolinën e letrave të fatit. Askush nuk pyet për dashurinë, për shëndetin!
Është një kohë që në Shqipërinë e 2024, në oborret e pushtetit dhe ish-pushtetit fallxhore dhe “astrologe” marrin kohë dhe vëmendje. Dikush thotë se ka qenë përherë kështu, dikush thotë se ky fenomen është shtuar marrëzisht dy-tre vitet e fundit, por të gjithë bien dakord se një pushtet të tillë të fallxhoreve e të atyre që bëjnë horoskopin, nuk e kishin parë prej kohësh.
E njëjta gjë kishte ndodhur dhe në Gjirokastrën e “Kronikë në gur” të Kadaresë, kur papritur të gjithë flisnin për magji, bënin magji dhe kërkonin se ku ishin fshehur magjitë. Por në qytetin e gurtë dhe ngjyrë gri jetonin dhe “plakat e jetës”; “…këto ishin plaka shumë të vjetra, që nuk çuditeshin nga asgjë. Ato prej kohësh nuk dilnin nga shtëpitë, sepse bota u dukej e mërzitshme, ngaqë për to, të gjitha ngjarjet, duke përfshirë këtu dhe ngjarjet e mëdha, siç ishin përmbysjet dhe luftërat nuk ishin gjë tjetër veçse një përsëritje…”
“Për magjitë, plakat e jetës thanë ca fjalë shumë të kursyera dhe përmendën ca shembuj të vjetër, prej të cilëve mund të nxirrej pak a shumë përfundimi se të tilla shpërthime magjish ndodhin zakonisht në prag të ngjarjeve të mëdha, atëherë kur shpirtrat e njerëzve janë të shqetësuar si gjethet përpara furtunës…”
Atëherë, përse janë të shqetësuar sot shpirtrat e shqiptarëve dhe cilat janë ngjarjet e mëdha që shumë presin të zbulohen nga letrat pa shpirt dhe yjet e largëta të fallxhoreve?
Dikush thotë se fallxhoret e Korçës janë bërë me nam, por të tjerë tregojnë se edhe në Tiranë, Durrës, Kavajë, ka të tilla që nuk mbeten mbrapa. Por të gjithë harrojnë se veprimet e tyre nuk kanë forcë kur “magjitë”, “gatuhen” te... “Rruga e Elbasanit” dhe te SPAK, gjithësesi luftojnë dhe shpresojnë. Këto magjistarë, askush nuk i kishte menduar e parashikuar. As plakat e jetës.
Lajme të tjera
-
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Ergys Mërtiri: Ç'na tregoi më 23 Nëntor Altin Dumani?
24 Nëntor, 08:47
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ylli Pata: E marta e kiametit...
23 Nëntor, 19:52
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
