POP 5

Lajmet më të lexuara të 5 minutave të fundit

Politikë

Lajme nga emisionet

Majlinda Bufi në Report Tv i përgjigjet 'ftesës': Pranoj debatin me Berishën, jo me kandidatin e tij në Roskovec

Majlinda Bufi është kandidatja e parë në radhët e socialistëve, e cila ka pranuar një debat me rivalët e saj, por jo me Erdit Hazizaj, por me vetë Sali Berishën.

TIRANË- Majlinda Bufi është kandidatja e parë në radhët e socialistëve, e cila ka pranuar një debat me rivalët e saj, por jo me Erdit Hazizaj, por me vetë Sali Berishën. E ftuar në “Repolitix” në Report Tv me gazetarin Denis Minga, Bufi tha se është e hapur për çdo lloj debati duke thënë se është bindur për punën e saj.

“Do e pranoja debatin me Berishës dhe jo me zotin Hazizaj, jam në detyrë prej 8 vitesh, bashkëpunimi me qytetarët, jam e përkushtuar ndaj punës dhe jam aty vetëm për atë gjë dhe jam e bindur që qytetarët e Roskovecit e njohin. Nuk më duhet fare profile i kundërshtarit, unë shoh punën dhe objektivat e mi. Jam e hapur për çdo lloj debati. Berisha godet ata që nuk arrin dot, dhe këtë e tregon mbështetja e qytetarëve të Roskovecit”, tha Bufi, njëherazi edhe kryetare e Bashkisë së Roskovecit. 

Në Report Tv, Bufi ka renditur punët e bëra për Roskovecin.

“Ka sera të shtuara në 50, ka kadi 200 ha të shtuara, ka një prodhim të shtuar të kulturës bujqësore, prodhohen 12 mijë tonë perime. 75% eksportohet jashtë vendit. Sot në Roskovec kemi arritur që nga qendra e fshatit në Bashi të jetë e asfaltuar dhe kemi shkuar në çdo lagje, Gati 90% e infrastrukturës në shkolla sot është në kushte ndryshe, kemi një godinë të përqendruar dhe kemi arritur që të ndryshojmë kushtet e mësimit”, shtoi ajo.

Në këtë garë, Bufi as nuk e konsideron aspak aleatin e Sali Berishës, Ilir Metën.

“Meta nuk do marrë dot votuesit që ka pasur, se të majtë jo e jo. Ato kanë problem mes tyre, se një pjesë e PD së vërtetë ka mbetur jashtë se gjysma e anëtarëve të listës së Këshillave Bashkiak në Roskovec janë nga Partia e Lirisë”, tha Bufi.

Në fund, ajo ka zbuluar se 2 janë prioritet e saj në mandatin 4 vjeçar, bujqësia dhe turizmi.

Rendit zhvillimet sipas orarit:
Ora 22:02
Bufi tregon në Report Tv prioritet për mandatin e ardhshëm: Bujqësia dhe turizmi, pikat kyçe

 

Kryetarja e Bashkisë së Roskovecit, e cila është njëherazi edhe kandidatja e socialistëve në këto 14 maj, Majlinda Bufi ka treguar edhe prioritetet e saj në programin elektoral.

“Zhvillimi i Bujqësisë dhe kthimi i Roskovecit në turizëm. Duam të bëjmë përpunimin e produkteve bujqësore se do bënte të mundur çdo perime që të përpunohej dhe t’u jepet qytetarit dhe leku i fundit. Të gjithë vajin e ullirit ne të kemi një njësi për grumbullimin e vajit, me depozita dhe kushte të duhura, për të ruajtur cilësinë dhe këtu të kemi mundësi ambalazhimin e produktin, analizën dhe përcaktimin e llojit të produktit dhe ne së bashku me Ministrinë të gjejmë vendin e shitjes brenda dhe jashtë vendit. Sa i përket turizmit, kemi kisha, monument kulture , kemi identifikuar burimet natyrore, ne duam ta kthejmë në një destinacioni, që grupet që kalojnë për në Apolloni, ose të mos ndalojnë te ne”, tha

B.K./Shqiptarja.com

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu