Receta

Makarona furre me salcë të kuqe nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 17 Nëntor 2023, 12:04 | Përditesimi: 17 Nëntor 2023, 12:05

Makarona furre me salcë të kuqe

Përbërësit:

320 gr tortiglione (makarona tub)
1 qepë e bardhë
100 gr bizele
200 gr kërpudha champignon
300 ml salcë domate
200 gr djathë kaçkavall
150 gr djathë pecorino
4 vezë
Vaj ulliri
Borzilok
Kripë, piper

Përgatitja:

LEXO EDHE:
Pulë me oriz në furrë nga zonja Albana

Fillimisht përgatisim salcën. Në një tigan që nuk ngjit, ngrohim pak vaj ulliri dhe kaurdisim mirë qepën e grirë imët. Pasi qepa është skuqur shtojmë bizelet, vendosim kapakun për pak minuta. Ndërkohë pasi i kemi pastruar kërpudhat i presim në feta jo shumë të holla dhe i shtojmë në tiganin me qepë dhe bizele së bashku me salcën e domates. Hedhim një gotë ujë të nxehtë dhe e lëmë salcën të lidhet për 15 minuta.

Vendosim vezët të ziejnë në ujë të vluar së bashku me makaronat. I kullojmë 4 minuta para nga koha e gatimit e treguar në paketim. Shtojmë makaronat tek salca, fikim sobën, grijmë djathin kaçkavall (në julienne) dhe shtojmë vezët e ziera të prera. Plotësojmë shijen me djathë pecorino dhe borzilok. Të gjithë këtë masë e kalojmë në një tavë dhe e vendosim në furrë të parangrohur në temperaturën 200°C për 15 minuta.

MC/Shqiptarja.com

TAG: