POP 5

Lajmet më të lexuara të 5 minutave të fundit

Sociale

Makinat e vjetra dyndin rrugët e Shqipërisë! Mbi 262 mijë autovetura janë mbi 20-vjeçare, prodhuar para vitit 2002

Rreth 41% automjete që përdoren në vend janë prodhuar përpara 20 vitesh, që kanë edhe nivel më të lartë ndotjeje. Një raport i publikuar nga INSTAT thotë se deri në fund të vitit të kaluar 92% e totalit të makinave janë prodhuar përpara vitit 2011.

Të fiksuar pas makinave të vjetra apo nuk arrijnë të përballojnë blerjen e një makine të re? Kjo është pyetja që ngrihet pas raportit të publikuar nga INSTAT, ku rezulton se pjesa dërrmuese e makinave që përdoren në Shqipëri janë mbi 11- vjeçare.

Konkretisht 51.1% e autoveturave që qarkullojnë në vend janë me moshë 11-20 vite, pra mjete të prodhuara nga viti 2002-2011.

Kategoria e dytë ose 40,9% e totalit të makinave që qarkullojnë në vend, janë prodhuar përpara vitit 2002, pasi jetëgjatësia e tyre është mbi 20-vjeçare.

Në Shqipëri janë të regjistruara 639.379 autovetura gjithsej ku mbi 262 mijë janë me vit prodhimi përpara vitit 2002, kurse mbi 326 mijë mjete janë të prodhuara në harkun kohor 2002-2011.

Këto mjete kanë një nivel ndotje edhe më të lartë, për shkak të vjetërsisë së tyre, çka përkthehet në ajër më të ndotur në rrugët e Shqipërisë.

Për të frenuar futjen e makinave të vjetra dhe të përdorura në vend DPSHTRR, ka vendosur që prej 1 janarit të këtij viti të mos hyjnë në vend makina të prodhuara përpara vitit 2007.

Më pas janë makinat me jetëgjatësi 6 deri 10 vjeçare, që zënë 5.5% të totalit, kurse makinat e reja me vit prodhimi nga 2017-ta, është vetëm 2.5% e totalit të autoveturave që përdoren në vend. Shumica e mjeteve janë me kambio manuale dhe me konsum naftë.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 14/10/2023 00:51

    Nuk eshte ndonje gje e madhe te kesh makine te vjeter,tek ne ka plot makina qe jane jo vetem nga vitet 2000',90',por dhe me te vjetra.Ato te vjetrat fare preferohen nga fansat e koleksionistet e atyre modeleve,te vjetrat me moshe mesatare nga vitet 90-2000 preferohen nga te rinjte,nga ata me pamundesi financiare dhe nga ata qe jane fillestare per ngarje makine,sepse jane shume te lira.I vetmi problem me vjetersirat eshte se kur i shet del me humbje se shiten lire,por si i thone fjales,u ke nxjerre uje te zi,perpara se t'ju japesh duart.S.d.q makina te markave super te shtrenjta per te shitur mend nuk shikon.

    Përgjigju
  • adi: 13/10/2023 16:14

    rrisni rrogat dhe e nderrojme makinen. e imja eshte e 2003 psh AS SKAM NDERMEND TA NDERROJ. punen e ben, sherbimet ja bej. cte bejm perpara te blejme makine, apo shpite qe kan vajt nga 150k euro ne allias? atje dhe 50k i ka teper

    Përgjigju
  • feridon: 13/10/2023 15:39

    ASPAK RENDESI VJETERSIA,TIPI APO MARKA E MAKINES <natyrisht cdo njeri nga keto elemente ka influencen e vet > ne qarkullim ,ndotjen ambientit konsumin etj,AJO QE ESHTE THELBESORE GJENDJA TEKNIKE OPTIMALE...

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Vranësira dhe reshje shiu... parashikimi i motit për këtë javë

Vranësira dhe reshje shiu... parashikimi i motit për këtë javë

27 Janar, 07:08