Ministri malazez: Mali i Zi do të jetë 'i sigurt’ për sezonin turistik

Qeveria e re e Malit të Zi synon që vendi të bëhet një destinacion tërheqës dhe i sigurt gjatë sezonit të verës, në të cilin virusi është vënë nën kontroll, është shprehur kështu ministri i ri i jashtëm  Djordje Radulovic.

"Ne nuk do ta zhdukim plotësisht koronavirusin, por do të kemi nën kontroll disa zona të vogla të nxehta, që do të thotë që turistët mund të vijnë nga Britania e Madhe, Gjermania, Franca, Rusia dhe ata do të jenë të sigurt dhe të shëndoshë në vendin tonë,  plotësisht të lirë për të shijuar pushimet e tyre, "tha ai.

Mali i Zi mbylli kufijtë e tij për turistët në Mars 2020 pasi u zbulua rasti i tij i parë i COVID-19, duke i dhënë një goditje të rëndë ekonomisë. Në maj, Mali i Zi kishte zero raste të regjistruara por deri në nëntor ai ishte vendi i dytë më i goditur në Evropë në raport me popullsinë e tij, me më shumë se 30,000 të tilla.  Gjatë sezonit turistik të huajve iu lejua që të kalojnë pushimet atje vetëm nëse ata kishin një test negativ në hyrje, ose karantinim dy javor për ata që nuk munden . Megjithatë numri i turistëve ka rënë me gati 80%, gjatë 2020.

Në janar 2021, qeveria e re e vendit hoqi kërkesën për një rezultat negativ të testit, duke u bërë një nga vendet e pakta në mbarë botën që lejojnë udhëtime të pakufizuara gjatë pandemisë COVID-19. Që nga 25 janari, shtetasit britanikë nuk janë përfshirë në rregulloret e reja për shkak të llojit të ri të koronavirusit që është zbuluar në vend. Vendi edhe pse nuk ka nisur ende vaksinimin, ministri Raduloviç tha se procesi do të nisë në javët e ardhshme.  Ai fajëson ish-qeverinë, e cila midis gushtit dhe dhjetorit  nuk u mundua për të siguruar furnizime.

/B.K./Shqiptarja.com

TAG:
• turizmi
• mal i zi
• Koronavirus