Mali i Zi heton për krime lufte ish-prokurorin special

Autoritetet në Mal të Zi njoftuan se po hetojnë ish-prokurorin special të shtetit nën dyshimet se ka lidhje me krimet e luftës të kryera gjatë ndarjes së ish-Jugosllavisë.

Millivoje Katniq u arrestua më herët gjatë këtij viti.

Sipas njoftimit të Zyrës së Prokurorit Special të Shtetit, Katniq po akuzohet “për trajtim çnjerëzor të disa civilëve të nacionalitetit kroat, përfshirë për sulm ndaj tyre, torturim dhe lëndim fizik”.

LEXO EDHE:
Ministria e Jashtme reagon për tragjeditë në Mal të Zi dhe SHBA: Ngushëllimet tona më të thella për familjet e të gjitha viktimave

Nisja e hetimeve vjen pas vlerësimit të dëshmive nga autoritetet në Kroaci, të cilat u gjetën gjatë kërkimit të provave materiale të Zyrës së Prokurorit të Mekanizmit Ndërkombëtar për Gjykata Penale, që u dërguan në Mal të Zi më 2020 dhe 2023.

Zyra e Prokurorisë në Kroaci asnjëherë nuk ka konfirmuar se Katniq ishte përfshirë në ndonjë hetim për krimet e luftës të kryera në Dubrovnik gjatë vitit 1991 dhe 1992.

Gjatë marrjes në pyetje, Katniq ka mohuar se ka qenë i përfshirë në kryerjen e krimeve të luftës.

Kantiq dyshohet po ashtu se ka hequr ndalesën e hyrjes për anëtarët e një bande kriminale serbe.

Zyrtarët në Mal të Zi janë zotuar se do ta luftojnë korrupsionin dhe krimin e organizuar si pjesë e përpjekjes së shtetit për t’u anëtarësuar në Bashkimin Evropian./REL

TAG:
• mal i zi

Sondazhi i ditës:

Çfarë prisni në vitin 2025?

• Punë

  10.8%

• Shëndet

  67.5%

• Mirëqënia

  21.7%

Vota total: 2149

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia