POP 5

Lajmet më të lexuara të 5 minutave të fundit

Ekonomi

Malli i importit më i lirë, shtrenjtohet prodhimi vendas

Çmimet e mallrave në tregjet ndërkombëtare po bien, ndërkohë e kundërta po ndodh në Shqipëri. INSTAT raporton se kostot e prodhimit në tremujorin e parë të këtij viti janë rritur me 2.8%, pasi është shtrenjtuar energjia elektrike, furnizimi me ujë dhe industria përpunuese ku përfshihen edhe produktet ushqimore

Malli i importit po konkurron ndjeshëm prodhimin vendas. Vetëm në katër muajit e parë të këtij viti vendi ka blerë nga jashtë ushqime dhe pije me vlerë 47.3 miliardë lekë, ndërkohë që ka shitur vetëm 17.2 miliardë lekë ushqime, pije e duhan.

Shtimi i prezencës së importit në tregun vendas, ka ardhur si pasojë e shtimit të konsumit por nga ana tjetër edhe për shkak janë më të lira se prodhimi vendas.

Bazuar në raportin e INSTAT, çmimet e mallrave të importuara në tremujorin e parë të vitit ranë me 1.9%, në raport me vitin e kaluar. Krahasuar me tremujorin e parë të vitit të kaluar, çmimet e industrisë përpunuese ranë me 1.8%, ku vetëm ato të përpunimit të ushqimeve ishin 2.5% më të lira, apo të produkteve të duhanit që ranë me 4.1%.

E kundërta po ndodh me prodhimin vendas i cili është shtrenjtuar me 2.8% në krahasim me janar-mars 2023. Me 7.2% u shtrenjtuar energjia elektrike dhe gazi, ndjekur nga industria nxjerrëse me 3,9%, më pas është furnizimi me ujë 1,8% dhe “Industri përpunuese” me 1,2%.

Vetëm përpunimi i produkteve ushqimore është shtrenjtuar me 4.1%, të duhanit me 4.5% dhe të prodhimit të pijeve me 3.8%. INSTAT raporton se më shumë janë shtrenjtuar që janë për konsum vendas se produktet e destinuara për import.

Pak ditë më parë në komisionin ekonomisë deputetët kanë kërkuar më shumë subvencione për bujqësinë, në mënyrë që të mos konkurrohet nga importi.

Inflacioni i brendshëm, gjatë këtij viti është vlerësuar disa herë nga Banka e Shqipërisë si rrezik për një tjetër rritje çmimesh për shkak se presionet e brendshme inflacioniste, mbeten të larta si rezultat i kërkesës për rritje të shpejtë të punësimit, rritjes së pagave dhe shtimit të kostove të prodhimit.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03