Maltë, Kryeministri maltez Joseph Muscat akuzohet se po ndikon në hetimin e vrasjes së gazetares Daphne Caruana Galicia

Kryeministri maltez Joseph Muscat është denoncuar se po ndikon në hetimin e vrasjes së Daphne Caruana Galicia, pasi edhe emri i gruas së tij është lakuar si pjesë e dosjes së korrupsionit që po hetonte gazetarja.

Familja e Galicia i ka bërë thirrje kryeministrit të qëndrojë larg nga çështja ndërsa qindra mijëra njerëz po manifestojnë para selisë së qeverisë duke kërkuar dorëheqjen e tij.

Kryeministri Joseph Muscat, i vetdijshëm për çmimin politik që duhet të paguaj qeveria e tij pasi në dosjen hetimore janë përfshirë edhe dy figura të rëndësishmë të kabinetit qeveritar, po përpiqet të luaj rolin e playmaker- it në atë që ka ndodhur dhe do të ndodhë.

Fakti që dje biznesmeni Yorgen Fenech, i akuzuar si porositësi i vrasjes së gazetares, u la i lirë me kusht dhe 5 orë më vonë u arrestua sërish, tregon se edhe politika ka qënë e përfshirë në vrasjen e gazetares Daphne Caruana Galicia.

Në vitin 2017, gazetarja dhe blogerja e pavarur, Caruana Galizia në kohën e vrasjes ishte duke punuar mbi një dosje korrupsioni.

Në momentin e ekzekutimit, makina që ajo kishte marrë me qera për të lëvizur shpërtheu dhe u mbulua nga flakët.

Ajo u gjet nga djali i saj Matthew që dëgjoi shpërthimin nga shtëpia e tyre.

"Nuk do të pushoj derisa për Daphne të ketë drejtësi", deklaroi atë kohë kryeministri Muscat.

Në hetimet e gazetares për skandalet e ‘Panama Papers’, përfshihej edhe gruaja e kryeministrit, e cila gjithmonë i ka mohuar akuzat.

TAG:
• malte
• Joseph Muscat
• Yorgen Fenech
• Daphne Caruana Galicia