Tirane- 14 mijë libra “Gjuha Shqipe dhe Kultura Shqiptare” për fëmijët e diasporës, të financuara nga Ministria e Arsimit dhe Sportit janë nisur pranë selive diplomatike shqiptare, për të siguruar që fillimi i vitit të ri shkollor t’i gjejë klasat e gjuhës shqipe në diasporë me tekstet e reja.
Ministrja e Arsimit dhe Sportit Ogerta Manastirliu tha se MAS është e angazhuar të mbështesë fëmijët e diasporës, të cilët do të kenë këtë vit edhe Nivelin II të librit të përbashkët “Gjuha Shqipe dhe Kultura Shqiptare”.
“Përpara vitit të ri shkollor po bëjmë të mundur shpërndarjen e teksteve në diasporë. Edhe në këtë vit, në Vitin e Gjuhës Shqipe, kemi qenë të gjithë të angazhuar të ecim sa më shpejt për çfarë nevojitet, për sa i përket kompletimit me tekste të niveleve të ndryshme në gjuhën shqipe. Janë më shumë se 14 mijë tekste, të cilat janë dërguar në diasporë”, tha Ministrja Manastirliu.
Në vitin e Gjuhës Shqipe, angazhimi i Ministrisë së Arsimit dhe Sportit ka qenë maksimal për të siguruar kompletimin me tekste të niveleve të ndryshme në gjuhën shqipe në shkollat e gjuhës shqipe në Itali, Greqi, Gjermani, Turqi, Austri, Rumani, Danimarkë, Slloveni, Izrael, Britani e Madhe, Belgjikë, Suedi dhe Kroaci.
“Kemi realizuar të gjithë menaxhimin nëpërmjet ambasadave, të nevojave që shoqatat për mësimin e gjuhës shqipe dhe kulturës shqiptare kanë qoftë për tekstet, por dhe me programe të tjera, të cilat ne jemi duke zhvilluar, sikurse është programi “Mësues për Greqinë”. Shpërndarja e librave është bërë sipas nevojave të paraqitura nga ambasadat tona në vende të ndryshme, me fokus të veçantë në vendet ku kemi një përvojë dhe praktikë të mirë përcaktuar, si Greqia, Italia, Gjermania, Britania e Madhe dhe vende të tjera,” tha Ministrja e Arsimit dhe Sportit, Ogerta Manastirliu.
Për herë të parë këtë vit, është botuar niveli II i librit plotësues "Gjuha shqipe dhe kultura shqiptare". Ministrja bëri të ditur se po punohet edhe për Nivelin III të këtij libri, në bashkëpunim me Kosovën, dhe se edhe ky nivel do të dërgohet në diasporë sapo të jetë gati.
Ministrja tha se ky vit ka sjellë gjithashtu edhe një risi tjetër: Tekstet e Nivelit II janë digjitalizuar dhe mund të aksesohen në faqen e Qendrës së Botimeve për Diasporën.
“Kjo mundësi e re është shumë e dobishme për mësuesit, prindërit dhe fëmijët, duke ofruar module të ndryshme të teksteve për përdorim gjatë mësimeve të gjuhës shqipe dhe kulturës shqiptare. Ministria e Arsimit dhe Sportit vazhdon të jetë e përkushtuar në mbështetjen e gjuhës dhe kulturës shqiptare në diasporë, duke siguruar që fëmijët tanë të kenë mundësinë të mësojnë dhe të zhvillojnë gjuhën dhe kulturën e tyre amtare”, tha Manastirliu.
Lajme të tjera
-
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Jozefina Topalli takime me diasporën në Nju Jork: Jeni mundësia kyçe që Shqipëria ka për të mos rrëshqitur drejt zbrazjes të parikuperueshme të vendit
20 Nëntor, 16:54 -
Vrasja e 14-vjeçarit, tensione në Kuvend/ Bardhi sulmon Manastirliun: Ja kanë shtruar muhabetit të treja si plakat, ajo është vrasëse! Dogjani: Ngrihuni t’i largojmë këta horra!
19 Nëntor, 18:10 -
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
Vrasja e 14-vjeçarit bëhet ‘mollë sherri’ në Kuvend/ Zhupa: Ministrja e Arsimit të japë dorëheqjen me turp, përgjegjës dhe ai i Brendshëm! Manastirliu: Të mos promovojmë gjuhën e urrejtjes
18 Nëntor, 15:21 -
Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate
17 Nëntor, 20:04 -
Ekonomia dhe Financat/ Manastirliu për buxhetin: 3800 bursa për nxënësit, 80 laboratorë të rinj, 850 punonjës psikosocialë dhe transport për fëmijë dhe mësues
12 Nëntor, 11:04 -
Vota e diasporës/ PS ka 'arritur' vetëm 50 mijë emigratë! Diskutimet në grup: Janë 1.6 mln me të drejtë vote, të krijohet një database e të rritet angazhimi
11 Nëntor, 11:49
-
Balla takim me komunitetin shqiptar në Venecia: Vota e Diasporës, një hap i rëndësishëm për demokracinë shqiptare
9 Nëntor, 16:54 -
Balla takim me drejtuesit e Shoqatës së Avokatëve Shqiptarë në Itali: Po punojmë për zgjidhjen e problematikave me njohje dokumentash dhe lehtësim procedurash konsullore
8 Nëntor, 20:20
