POP 5

Lajmet më të lexuara të 5 minutave të fundit

Politikë

Mandatet, Kushtetuesja: Kërkesa
e PS, duhej çuar në kolegj

Është zbardhur nga Gjykata Kushtetuese vendimi për rrëzimin e kërkesës së PS lidhur me shfuqizimin e vemdimit të dhënë nga Parlamenti për të ndarë ky institucion mandatet dhe jo KQZ.
TIRANE - Është zbardhur nga Gjykata Kushtetuese vendimi për rrëzimin e kërkesës së PS lidhur me shfuqizimin e vendimit të dhënë nga Parlamenti për të ndarë ky institucion mandatet dhe jo nga KQZ. Në vendimin e saj të argumentuar kjo gjykatë sqaron arsyet e këtij vendimi.

“Mbledhja e Gjyqtarëve vlerëson se vendimmarrja e KQZ-së dhe procedurat e ndjekura lidhur me të, nuk janë pjesë e juridiksionit kushtetues. Ajo vëren se, sipas nenit 145 të Kodit Zgjedhor, se subjektet zgjedhore kanë të drejtë të bëjnë ankim në Kolegjin Zgjedhor të Gjykatës së Apelit kundër vendimeve të KQZ-së, kur ato cënojnë interesat e ligjshme të tyre, si dhe në rastet e mosmarrjes së vendimit brenda afatit ligjor nga KQZ-ja.

Përderisa kërkuesi nuk e ka shfrytëzuar këtë të drejtë, ai nuk i ka shteruar të gjitha mjetet juridike, në kuptim dhe zbatim të nenit 131, shkronja “f”, të Kushtetutës”, thuhet në argumentet e Kushtetueses.

Ndër të tjera, në vendimin e saj kjo gjykatë deklaron se  se kërkuesit, një e pesta e deputetëve të Kuvendit dhe Partia Socialiste, nuk legjitimohen të vënë në lëvizje këtë Gjykatë lidhur me atë pjesë të kërkesës që bën fjalë për deklarimin si antikushtetues të vendimit nr.2/2013, datë 31.01.2013, të Kuvendit “Për caktimin e numrit të mandateve për çdo zonë zgjedhore të zgjedhjeve për Kuvendin e Shqipërisë të vitit 2013”, pasi ai është një akt individual dhe, si i tillë, nuk bën pjesë në juridiksionin kushtetues, në kuptim të nenit 131, shkronja “c”, të Kushtetutës.

Ndërkohë që mendimi i pakicës e ka konsideruar shkelje të kompetencave nga ana e Kuvendit ndarjen e këtyre mandateve. “Në rastin në shqyrtim, Kuvendi, për miratimin e vendimit nr. 2/2013, ka vepruar jo si organ politik, por në cilësinë e organit administrativ, sipas dispozitave të Kodit Zgjedhor.

Pavarësisht se ka qenë rezultat i procedurave parlamentare, ky akt individual i Kuvendit ka karakter administrativ. Sipas nenit 42/1 të Kushtetutës dhe jurisprudencës së Gjykatës, e drejta për një proces të rregullt ligjor nuk është e kufizuar vetëm në procesin gjyqësor, por shtrihet edhe në procese me natyrë administrative”, thuhet në vendim.

Shkrimi u botua sot në gazetën Shqiptarja.com (print) 13.02.2013

Redaskia Online
(b.m/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident në Vlorë-Fier, makina përfundon në kanal, çifti i bashkëshortëve dërgohen me urgjencë në spital

Aksident në Vlorë-Fier, makina përfundon në kanal, çifti i bashkëshortëve dërgohen me urgjencë në spital

10 Janar, 10:15