Zgjedhjet 2025/ KQZ teston 'PER', platformën për votuesit jashtë Shqipërisë! Celibashi: Llogarinë mund ta krijojë kushdo, nëse përmbushen kushtet regjistrohesh si zgjedhës

TIRANË - KQZ testoi sot Platformën Elektronike të Regjistrimit (PER), e vlefshme për shqiptarët e diasporës që duan të votojnë në zgjedhjet parlamentare të 2025. Platforma u testua nga ekspertë të IT-së të pranishëm në KQZ, ku pjesëmarrës ishte dhe kreu i këtij institucioni Ilirjan Celibashi që iu përgjigjet dhe interesit të përfaqësuesve të partive politike, edhe ata ishin në prezantimin e platformës në ambjentet e KQZ.

Hapi i parë lidhur me platformën ishte krijimi i një llogarie (account). Këtë llogari mund ta hapë kushdo, pasi në hapin e dytë vlerësohet nëse pranohet kërkesa për tu regjistruar si zgjedhës nga Diaspora. Në hapin e parë të krijimit të llogarisë, eksperti Redon Hila sqaroi se si bëhet aplikimi, ku fillimisht regjistrohesh me numër telefoni ose me e-mail. Më pas krijohet një fjalëkalim me minimumi me 8 karaktere, ku pjesë duhet të jenë një shkronjë e madhe, një shkronjë e vogël dhe një numër.

Pastaj verikohet nëse personi që po hap llogarinë është person i gjallë apo jo, duke iu prezantuar aplikacionit me një fotografi që e kryen platforma PER. Nëse merret konfirmimi nga platforma pas fotos, vijohet me plotësimin e të dhënave të tjera, si data e lindjes, vendi i lindjes dhe numri personal ID. Këto të dhëna duhen të përputhen me të dhënat e ID-së së personit që po hap llogarinë.

LEXO EDHE:
Spanjolli u dënua për një cigare hashashi në Shqipëri: Avokati më kërkoi t’i jepnim 3 mijë euro prokurorit për lirimin

Hapi i dytë kishte të bënte me dërgimin e një kërkese me anë të kësaj platforme KQZ-së për regjistrimin si zgjedhës nga diaspora në zgjedhjet 2025. Eksperti Hila vijoi me shpjegimin se si kryhet procedura, duke u vendosur faqja ballore e dokumentit të identifikimit, e më pas pjesa e pasme e dokumentit. Konfirmohet nëse është e lexueshme dhe vijohet me hapin e radhës. Në këtë mënyrë bëhet leximi automatik i dokumentit identifikues.

Platforma më pas i paraqet aplikuesit të dhënat që janë vendosur përpara dërgimit të aplikimit. Në momentin kur aplikuesit është i sigurt se të dhënat përputhen dërgohet kërkesa. Kërkesa shkon në modulin e administrimit të kërkesave dhe shikohet nga KQZ. Nëse KQZ e aprovon kërkesën apo nëse ajo refuzohet për të qenë zgjedhës i dërgohet aplikuesit me sms ose me e-mail.

Më pas eksperti u fut si një operator nga KQZ që shqyrton kërkesën e aplikuesit shqiptar nga diaspora për tu regjistruar si zgjedhës. Dokumenti i tij nuk shkarkohet por vetëm këqyret brenda platformës. Kur nuk përputhet IP me adresën e banimit, nuk refuzohet kërkesa.

Celibashi sqaroi se mund të ketë dhe auditues nga partitë politike që mund ta shikojnë këtë fazë të shqyrtimit të kërkesave, por në këqyrjen e të dhënave nuk ka një palë të tretë.

Kreu i KQZ-së iu përgjigj edhe interesit të përfaqësive politike dhe mediave në sallë.

'Po moshat e treta, do e krijojnë me asistencë?

Sistemi do ketë pas edhe një platformë apo sistem të ndihmës, chatbot të komunikimit drejtpërdrejtë me KQZ, me uatsap apo rrjet. Nuk po them që gjyshërit tanë, janë të familjarizuar me teknologjinë e informacionit. Duhet të pranojmë se çfarë është prezantuar është në përputhje me kodin zgjedhor dhe me aktin rregullator. Jemi dakordësuar që krijimi i llogarisë kështu do jetë. nuk ka mënyrë tjetër për të hamornizuar sigurinë mbi identitetin e atij që aplikon me lehtësinë për të aplikuar.

Foto ka mekanizma për të treguar nëse je person i gjallë? Llogari aty mund të hapin shumë individë qoftë realë apo jo real, imazhin e fytyrës mund ta regjistrohesh. Nuk e di nëse ajo foto ruhet dhe është pjesë e auditimeve në të ardhmen?

Në dijeninë time ajo që thatë e pamundur. Merrni një tabletë regjistrojeni personi paraqiteni tabletin te kamera, nuk ka funksionuar. Nuk është një teknologji që e krijuam ne por përdoret masivisht në aplikime të ndryshme si bankat, apo aksesi në shërbime publike apo të tjera me sigurinë kombëtare. E njëjta teknologji që përdorin të tjerë për aplikime shumë më të rëndësishme dhe sensitive si kjo.

Të gjitha shqyrtimet do jenë manualisht nga KQZ?

Krijimi i llogarisë bëhet automatikisht, por shqyrtimi i kërkesës për tu regjistruar si votues nga jashtë 99.9% bëhet në mënyrë automatike. Nëse përputhen të dhënat që ngarkohen me të dhënat në back end, sistemi ta mundëson qenien në listë. Në raste mund të verifikojmë. Përputhshmëria bëhet me pamjen e fytyrës me të dhënat që ngarkon manualisht, me të dhënat që ngarkon gjatë procesit të identifikimit si dhe me të dhënat që gjenden në regjistrin e gjendjes civile.

Krijimi i llogarisë është fazë e parë, por të kërkoj të regjistrojë si votues duhet të plotësojë disa kushte, nëse përmbush kushtet regjistrohet si votues nga jashtë. Kushdo mundet të krijojë llogari. Dikush që do ta provojë mund ta provojë patjetër.'

PER do të jetë e disponueshme në versionet desktop dhe mobile, pa pagesë, për të siguruar akses të gjerë dhe përdorim të lehtë nga çdo pajisje. Platforma përbëhet nga dy module kryesore: Moduli i regjistrimit, ku zgjedhësit paraqesin kërkesat e tyre për regjistrim, dhe Moduli i shqyrtimit të kërkesave, që mundëson verifikimin dhe menaxhimin e tyre nga autoritetet përkatëse.

TAG:
• Redon Hila
• zgjedhjet parlamentare 2025
• Tirane
• Platforma Elektronike e Regjistrimit
• kqz
• ilirjan celibashi
• diaspora
• vota e diaspores

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1554

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq