POP 5

Lajmet më të lexuara të 5 minutave të fundit

Politikë

Mandati i Fidel Yllit, deputeti i PS
thirret javën tjetër në Kuvend

Këshilli i Rregullores dhe i Mandateve u mblodh sot paradite për të shqyrtuar kërkesën e 16 deputetëve të Partisë Demokratike për t`i hequr mandatin deputetit socialist. Paloka: “Faktet janë evidente për papajtueshmëri me Kushtetutën.
TIRANE-  Këshilli i Rregullores dhe i Mandateve u mblodh sot paradite për të shqyrtuar kërkesën e 16 deputetëve të Partisë Demokratike për t`i hequr mandatin deputetit socialist Fidel Ylli.

Këshilli i Rregullores dhe Mandateve pritet të bëjë verifikimin e papajtueshmërisë me Kushtetutën të mandatit të deputetit të PS-së, Fidel Ylli. Sot ishte seanca e paraqitjes së kërkesës së PD-së

Relatori Edi Paloka, i cili paraqiti kërkesën e PD-së tha se Filed Ylli ka shkelur nenin 70 të Kushtetutës, që përcakton se deputetët nuk mund të kryejnë asnjë veprimtari fitimprurëse, që buron nga pasuria e shtetit ose e pushtetit vendor dhe as të fitojnë pasuri të tyre.
“Faktet janë evidente për papajtueshmëri me Kushtetutën.Në kohën kur Ylli fitoi mandatin ishte aksioner i vetëm për radio”- tha Paloka.

Në dakordësi kryetarja e Parlamentit Jozefina Topalli caktoi të mërkurën e javës tjetër si ditë kur do të dëgjohet deputeti Fidel Ylli. Ai do të paraqesë argumentet e tij në lidhje me këtë çështje.  Në deklarimet në media të mëparshme, deputeti i PS-së, Fidel Ylli i cilësoi  “shashka që PD i hedh sa për të bërë zhurmë”,  dhe u shpreh i bindur që figurën e tij nuk e dëmtojnë dot sepse është brenda rregullave.

Këshilli i Rregullores, pas seancës dëgjimore, do të hartojë një raport, i cili do t’i dërgohet për miratim Parlamentit.

Deputetët e maxhorancës depozituan në janar kërkesën për heqjen mandatit të deputetit Fidel Yllli. Ata pretendojnë se Fidel Ylli ka shkelur nenin 70 të Kushtetutës, që përcakton se deputetët nuk mund të kryejnë asnjë veprimtari fitimprurëse, që buron nga pasuria e shtetit ose e pushtetit vendor dhe as të fitojnë pasuri të tyre.  Sipas deputetëve të PD-së, Fidel Ylli ka rezultuar të jetë ortaku i vetëm i një radioje në dhjetor të vitit 2009, ndërkohë që ai ishte shpallur deputet me vendim të KQZ-së në gusht të po këtij viti.

 Grupi parlamentar socialist pritet që të kundërshtojë këtë kërkesë. Deputeti Ylli theksoi se e gjithë kjo është një lojë politike e Berishës ër të shmangur vëmendjen nga problemet e tjera.

Pas votimit që do të bëhet në Parlament kërkesa do të kalojë për shyrtim dhe marrje vendimi në Gjykatën Kushtetetuese.

Redaksia online
(sg/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Urdhër arresti i Hagës është i pavlefshëm, Netanyahu merr ftesë për të shkuar në Poloni për përkujtimin e Holokaustit

Urdhër arresti i Hagës është i pavlefshëm, Netanyahu merr ftesë për të shkuar në Poloni për përkujtimin e Holokaustit

10 Janar, 09:35