Manifestimi për Ukrainën në Tiranë, Veliaj: Zgjedhim të mos heshtim përpara mizorive ruse

Kreu i Bashkisë së Tiranës, Erion Veliaj, i pranishëm në manifestimin në mbështetje të Ukrainës, tha se Shqipëria ka zgjedhur të mos heshtë para agresionit rus dhe se i ka hapur dyert ukrainasve që i janë larguar tmerrit të luftës.

"Kur ndaheshin çmimet “Grammy”, Presidenti Zelenksy tha: 'Na ndihmoni me çfarë të mundeni, por jo me heshtje, se heshtja nuk është ndihmë'. Heshtja në fakt është konfirmim që ajo që po ndodh është OK, ajo që po ndodh është diçka shumë larg, ajo që po ndodh nuk na prek. Fakti që sot Tirana është mbledhur bashkë, për të treguar se ne nuk heshtim edhe përballë ambasadës ruse, në një rrugë që quhet “Ukraina e lirë”, tregon se ky qytet do të mbajë një qëndrim derisa kjo luftë të mbarojë. Ne nuk jemi këtu për të bërë presion për diplomatët rusë, këtu pas shpatullave tona - ne nuk jemi vandalë, nuk jemi rrugaçë, nuk jemi dhunues, nuk jemi të vrazhdë, nuk jemi vulgarë, por është një moment për të thënë: Dakord, në Rusi ndoshta censurohet media, po për ata që jetojnë këtu në Tiranë, që mund të hapin faqet e internetit dhe të shikojnë shumë prej televizioneve tona, nuk mund të thonë që kjo është një skenë Hollywood-i, nuk mund të thonë se qindra vende masakrash janë skena Hollyëood-I. Ndaj, thirrja jonë është edhe për ta, është momenti për të bërë një akt dinjitoz, të lënë shërbimin ndaj një qeverie gjakatare, të lënë shërbimin diplomatik ndaj atyre që dhurojnë me barbari që as i kishim imagjinuar kurrë ndërkohë që po rriteshim, ndërkohë që pamë se çfarë ndodhi në Kosovë dhe në fakt, që nga Lufta e Dytë Botërore, pas asaj që ndodhi me hebrenjtë, kemi thënë: 'Never again!'”, tha Veliaj.

LEXO EDHE:
Kavajë/ Plagoset me armë zjarri një 43 vjeçar, policia në kërkim të dy autorëve

Lajmi kryesor:

Me flamuj në duar, qindra qytetarë iu bashkuan manifestimit për Ukrainën! Kryebashkiaku i Kievit mesazh për shqiptarët: Çmojmë mbështetjen! Të pranishëm Kim, ambasadori Ukrainas dhe Veliaj

TAG:
• Tirane
• rusia sulmon ukrainen
• bashkia tirane