Ministri i Drejtësisë Ulsi Manja, i cili është njëkohësisht dhe drejtues politik i Partisë Socialiste në Qarkun e Lezhës, ka akuzuar kryetarin e Bashkisë Mirditë, Albert Melyshin, se po heq padrejtësisht nga puna punonjës të bashkisë të cilët mbështesin PS.
Përmes një postimi në rrjetin social “Facebook”, Manja shkruan se kryebashkiaku i dalë nga koalicioni “Bashkë Fitojmë” në zgjedhjet lokale të 14 majit të vitit të kaluar, është kthyer në një “hetues”, pasi sipas tij prej kohësh Melyshi po monitoron aktivitet politike të PS në Mirditë, me qëllim evidentimin e punonjësve të bashkisë që marrin pjesë në këto takime politike.
Manja shprehet i bindur se me këtë ritëm nga Melyshi, Bashkia Mirditë do të zhytet në borxhe nga gjyqet e fituara të punonjësve që largohen padrejtësisht nga puna.
Postimi i plotë i Manjës:
Kryetari i Bashkisë, , i cili u zgjodh si modeli i "djalit të mirë" dhe për t'i shërbyer njëlloj të gjithë qytetarëve të Mirditës, i infektuar keq nga modeli i vjetër i foltores, prej disa ditësh ka lënë të gjitha punët e Bashkisë dhe si hetuesit e diktaturës qëmoti rri duke parë të gjitha videot dhe fotot që postojnë anëtarët dhe simpatizantët tanë në rrjetet e tyre sociale, nga mbledhjet e Organizatave Socialiste në Mirditë, për të parë punonjësit e Bashkisë (mirditorët e tij), që pas orarit të punës vijnë në këto mbledhje se janë socialistë.
Ooo kryetar, liria politike është element themelor i demokracisë! Mos u lodh duke monitoruar rrjetet sociale, se ne jemi parti e hapur dhe në kuadër të transparencës kemi marrë fotografin e bashkisë të bëjë fotot e mbledhjeve tona. I ka ai të gjitha fotot, thirre, të t'i bëjë album , se PS është parti e madhe dhe e hapur, jo si partia jote e ndarë në 4 pjesë!
Nejse, kjo është histori e ngatërruar dhe ndoshta me kalimin e kohës do e kuptosh se në çfarë bataku ke rënë, por ke përgëzimet e mia për talentin tënd politik të largimeve nga puna me "formula strukturore", që të kujtojnë nenin e famshëm 24/1 të Berishës së parë që ti e adhuron sot poshtë ballkonit të shtëpisë së tij, tamam si një fëmijë i pafajshëm!
Të garantoj se nuk do bësh dot asgjë Melysh, vetëm sa do zhytësh Bashkinë e Mirditës në borxhe dhe do të ta mbyllë përmbarimi nga gjyqet e fituara të atyre që do largosh nga puna, sepse Shqipëria e 2024 ka ligje dhe monitorohet nga BE, e jo nga foltoristët që po të marrin në qafë pa bërë ende 10 muaj punë!
Ti me sa duket e ke talent të lindur të fshihesh pas gishtit dhe të mos u dalësh gjërave ballazi, përderisa ke nxjerrë tellallët politikë nëpër kafenetë e Rrëshenit, të cilët çojnë fjalë në emrin tënd "që kush shkon në takime me Ulsi Manjën, t'i punësojë Ulsiu"!
Komike besa boll, por ti që u votove nga populli i Mirditës si shpresë, përfundove si qyqar te "rruga e shpresës", ku t'u ringjall virusi i hakmarrjes primitive të foltores që keni në ADN tuaj politike dhe nga e cila nuk keni për t'u çliruar kurrë!
Ti me sjelljen tënde politike prej hakmarrësi të vogël lokal, padashje i bën shërbimin më të madh politik PS, sepse u jep qytetarëve të Mirditës mundësinë të kuptojnë dallimin e madh mes nesh si PS dhe foltores që ti përfaqëson në Mirditë. E në fakt, dallimi mes nesh është si të krahasosh ditën me natën e zezë sterrë dhe për këtë flasin faktet:
Për aq kohë sa Bashkia dhe institucionet në varësi qendrore u drejtuan prej nesh, kurrë nuk kemi parë teserat e partisë, përkundrazi çdokujt i kemi dhënë mundësi të kontribuojë për Mirditën dhe familjen e tij në përputhje me arsimin dhe formimin që ka dhe për këtë qëndrim qytetar tonin shpeshherë jemi ndëshkuar dhe nga socialistët tanë, por që fundja kjo i ka shërbyer paqtimit social dhe jo urrejtjes politike;
Këshilltarët tanë në Bashki, ku jemi shumicë, votuan pro buxhetit të Bashkisë sepse ne si PS nuk bllokojmë qytetarët të marrin shërbimet e duhura dhe as pengojmë zhvillimin e Mirditës;
Qeveria socialiste e Edi Ramës i dha bashkisë Mirditë 350 milion lekë ose 22% grant buxhetor më shumë se në vitin 2023 kur e drejtonte Ndreca dhe do vazhdojmë ta bëjmë, ne e kemi kontratën me qytetarët Mirditës e jo me kryetarët e radhës;
Po i japim Mirditës një spital modern dhe shumë e shumë investime të tjera, që i gjete në proces ose të financuara nga paraardhësi yt socialist, që ta dorëzoi mandatin si mirditori mirditorit, po kujt ja dorëzoi… një inatçori pa këllqe për t'i dalë zot vendimeve dhe fjalëve të veta, një njeriu me dy fytyra, që në Tiranë kërkon bashkëpunim me qeverinë qendrore të Edi Ramës në emër të Mirditës, ndërsa në Mirditë hakmerret ndaj qytetarëve me bindje të majta dhe pse shumë prej tyre e kanë votuar për "djalë të mirë", etj. Por që sot e tutje gjithçka do të jetë reciproke. Nuk do të mbështesim asgjë, as në Këshillin Bashkiak e as në Tiranë, nëse bie ndesh me interesat e popullit të Mirditës, çdo gjë dhe çdo vendim i yni do të ketë në themel qytetarët që na kanë besuar votat e tyre për të qenë shumicë në Këshillin Bashkiak! Madje, nuk do të jetë e largët dita kur populli i Mirditës të të kërkojë llogari dhe të të ndëshkojë dhe për naftën që shpenzon për të ardhur poshtë ballkonit të doktorit!
Diletantizmi yt si menaxher dhe verbëria politike ndaj foltores dhe një ish-lideri që ka mbjellë përçarje dhe në Mirditën që të dha nderin të jesh qytetari i parë i saj, ta nxorrën kallajin e "djalit të mirë" shpejt dhe fundin politik do të ta japin kur të shkosh prapë te vota!
U zgjata pak, se kam 9 muaj që hesht, se besoj që kundërshtari që të mund me votë ka nevojë për kohën e duhur të shpalosë vlerat, por tani koha ka mbaruar dhe socialistët e Mirditës do t'i kesh përballë dhe nuk do kesh mundësi ta përdorësh pushtetin për gjueti shtrigash. Provën e parë do e kesh në Këshillin Bashkiak të Mirditës!
Një përgjigjie për akuzat e Manjës e ka pasur edhe kryebashkiaku Albert Melyshi i cili e ka ftuar ministrin të shkojë në Mirditë për të parë problematikat e qytetarëve dhe jo të merret me politikë të 'kafeneve' siç e konsideroi ai. Mes të tjerash, Melyshi tha se mund të ketë edhe një komision të ngritur për të hetuar nëse ka pretendime të tilla për shkarkim nga detyra për shkak të forcës politike që punonjësit mbështesin.
Kryebashkiaku i Mirditës, Albert Melyshi i është kundërpërgjigjur akuzave të ministrit të Drejtësisë Ulsi Manja i cili tha se Mëlyshi po pushon nga puna zyrtarë që mbështesin PS-në.
Nëpërmjet një postimi në rrjetet sociale, Melyshi i quajti të pavërteta akuzat e Manjës i cili është njëkohësisht edhe drejtues politik i PS në qarkun e Lezhës.
Mes të tjerash, kryebashkiaku shkruan se do t’i propozojë këshillit bashkiak të Mirditës ngritjen e një komisioni për të hetuar nëse ka pasur shkarkime politike të punonjësve nga bashkia.
“Ulsi, do të ishte në dinjitetin tuaj, si drejtues politik i së majtës në Qarkun e Lezhës, aq më tepër si anëtar i qeverisë, t'i filtronit paraprakisht informacionet që ju kanë dhënë lidhur me mua dhe Bashkinë Mirditë që drejtoj, se ato jane produkt i varfër i disa vartësve tuaj politikë, që nuk arrijnë të bëjnë politikë, por konsumojnë politikë kafeneve.
Para se të shkruani, pyetini pak ata për sektorët që drejtojnë, për problemet që kanë qytetarët! Për hir të së vërtetës po përpiqem përtej politikës të bashkëveproj për të qënë afër qytetarëve në zgjidhjen e sa më shumë problemeve.
Ulsi, mos bëj politikë pa bereqet me Mirditorët, ata nuk pyesin në raste të tilla as për ty as për mua, as për kolegët e mi të Lezhës e Kurbinit apo dhe deputetët qe janë angazhuar nga ju në të gjithë Mirditën. Nëse do i kushtonit kaq kohë punës sa i kushtoni Partisë do ishim ndryshe”- u shpreh Melyshi.
Komente
Lajme të tjera
-
VIDEO/ 'Më mirë Gjini se Pjerini'! Rithemelimi, këngë për Gjin Gjonin (VIDEO)
27 Prill, 14:16 -
Takimet me diasporën, Blendi Klosi nga Korça: Fokusi tek rienergjizimi i PS! Shqipëria 2030, transformim epokal i vendit
26 Prill, 19:00 -
Lezhë, myslimanë e katolikë bashkë në festën e 'Shën Markut'
26 Prill, 15:15
-
Me kokainë me vete, arrestohet 26-vjeçari në Shëngjin! Momenti kur policia e shtrin në tokë dhe i vë prangat
26 Prill, 08:50 -
‘Shërbim cilësor dhe pastërti!’ Shëngjini “përvesh mëngët” të mos zhgënjejë turistët
25 Prill, 15:09
-
Shëngjin, rrezikonin të mbyteshin nga dallgët teksa peshkonin, shpëtohen 2 persona nga Policia Kufitare
24 Prill, 16:27 -
I burgosuri me karrocë largohet nga burgu i Shën Kollit: Faleminderit Zotit që ia arritëm kësaj dite
24 Prill, 14:18 -
Përfiton nga amnistia penale, lirohet nga burgu ish-kryebashkiaku i Lezhës Fran Frrokaj: Uroj, askush të mos e provojë qelinë
24 Prill, 13:18 -
Djali i Tom Doshit shkaktoi aksident, por policia e la të ikte, pyetet Drejtori i Policisë Lezhë! Dyshohet se telefonoi shefin e Qarkullimit që ta favorizonte
24 Prill, 11:08
-
E zuri korrenti në aksin Lezhë-Tiranë dhe vdiq, 43-vjeçari po kthehej me biçikletë në shtëpi! Shkeli përcjellësin e zhveshur të ndriçuesit së një biznesi (FOTO)
24 Prill, 08:08
-
FOTO/ Hapet gropë në mes të aksit rrugor Lezhë-Milot
24 Prill, 07:33 -
Këmbësorin e zë korrenti në autostradën Lezhë-Tiranë, ndërron jetë! OSHEE: Përcjellësi i ndriçuesit të biznesit i zhveshur (Emri)
23 Prill, 21:37
Ky katunari duket si bari,cfar mund te presesh nga fytyra te tilla.
Përgjigju