VELIPOJË- Një turist italian ka humbur jetën një ditë më parë, 18 gusht, në spitalin e Shkodrës, pas përplasjet me Jet-Ski në plazhin e Velipojës. 19-vjeçari Nicola Lorio kishte ardhur për pushime në vendin tonë, por humbi jetën si pasojë e manovrave që po kryente me kunatin e tij me Jet Ski. Të dy po kryenin manovra dhe më pas dy mjetet janë përplasur në det, 1 milje jashtë perimetrit të sigurisë.
I riu mori plagë të rënda në kokë dhe në qafë si pasojë e përplasjes dhe për pasojë ndërroi jetë në spitalin e Shkodrës. Policia e Shkodrës njofton se ka arrestuar italianin tjetër, Salvadore Di Tella 20 vjeç, për veprën penale "Vrasja nga pakujdesia".
Dy italianët kishin lidhje me njëri tjetrin. I arrestuari mësohet se është kunati i 19-vjeçarit. Ata kishin ardhur për pushime në Shqipëri dhe kishin disa ditë në vendin tonë. Në Velipojë ishin pushues ditor dhe nuk po qëndronin aty.
![](https://shqiptarja.com/template/img/NO_ALFA_Kuadrate shqiptarja.png)
Policia ka bllokuar dy Jet-Skit me të cilat janë përplasur italianët, por ndërkohë burime bëjnë me dije se mjetet motorike janë marrë konfrom rregullave. Në pyetje janë marrë edhe pronarët e mjeteve, ndërsa vetë 20-vjeçari Salvadore Di Tella ka deklaruar në polici se kanë qenë duke kryer manovra në det të hapur, aknë humbur kontrollet e mjeteve dhe janë përplasur.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Asnje gje e mire nyk ka ardhe nga jet-ski. Nuk besoj se as taksa paguajn se kupon jo e jo. Me I mbyll sa me shpejt
Përgjigju