Marash Kumbulla bën 'zemrën flori', ndihmon 120 fëmijë në Burrel

Marash Kumbulla, mbrojtësi i Romës dhe kombëtares shqiptare festoi dje ditëlindjen e 23-të. Në këtë ditë të veçantë për të, djaloshi me origjinë nga Malësia e Madhe vendosi t'u japë një "buzëqeshje" 120 fëmijëve në kopshtin e Burrelit. Kumbulla dhuroi komplete edukative, si lapsa, fletore, stilolaps dhe çanta shpine për të ndihmuar në edukimin e vogëlushëve.

"Përshëndetje djema, doja t'ju përshëndesja dhe t'ju uroj suksese në fillimin e studimeve. Ju lutemi mbani mend se edukimi dhe sjelljet e mira janë të rëndësishme. Kjo është vetëm një ndihmë e vogël që kam për ju, por gjithçka fillon nga ju! Shpresoj që një ditë të shihemi dhe të kalojmë një ditë të lumtur së bashku. Suksese djema", thotë në mesazhin e tij mbrojtësi.

Filippo Ungaro, drejtor i komunikimit i "Save the Children" në Itali falenderoi mbrojtësin. "Falënderojmë Marash Kumbullën që ka menduar edhe për djemtë dhe vajzat e një kopshti në Shqipëri në ditëlindjen e tij. Asnjëherë më parë gjeste të tilla solidariteti nuk janë kaq të rëndësishme për të dhënë një mesazh për të ardhmen te djemtë dhe vajzat që në këtë moment historik e gjejnë veten duke përjetuar vështirësi të mëdha në botë".

S.DH/Shqiptarja.com

TAG:
• Legjionaret
• marash kumbulla
• serie a
• roma