Maratona e Tiranës, Luiza Gega thyen rekordin kombëtar në kategorinë gjysmë maratonë! Flet për Report Tv: Isha skeptike, por ia dola

Gjatë maratonës së Tiranës, artistët e talentuar të cirkut Kombëtar dhanë performancën e tyre. Akrobatët dhuruan një atmosferë fantastike me lojëra dhe akrobaci në rrugë.

Luiza Gega në një intervistë për Report Tv ja rrëfyer emocionet pas garës së mbajtur në Maratonën e Tiranës, ku theu rekord kombëtar në gjysmë maratonën. Për gazetaren Ledina Jakimi, Gega tha se ishte pak skeptike kur u fut në garë nëse do të arrinte të ishte fituese, por ajo ja doli. Emocioni më i madh, Luiza Gega u shpreh se i vjen nga urimet që merr nga qytetarët të cilët presin prej saj gjithnjë e më shumë.

Gega tha se nuk ishte përgatitur për këtë garë, por trajneri Taulant Stërmasi e ka motivuar që të futet në garë dhe të vendosë rekord.

“Kisha besim që do thyeja një rekord, edhe pse isha pak skeptike, sigurisht që gjysma maratona dhe martona më japin mundësi për të thyer rekorde se ende s’janë vendos rekorde të forta. Rekordi dhe koha që realizova është një kohë mjaft e mirë. Koha  e mëparshme ishte po nga unë 70 min e 58 sekonda që realizova këtë vit në Kampionatin Ballkanik që u realizua në Tiranë.

Është një emocion ndryshe të garosh në Martonën e Tiranës. Njerëz që të uronin pafund të japin një motiv ekstra. Njerëzit presin gjithnjë e më shuamë nga unë dhe unë po mundohem të jap më të mirën

Nuk kam bërë shumë stërvitje për gara të gjata, gjysmë maratonë, trajneri më tha futu për kohë rekordi se kam shumë besim që ti e bën. Pashë që isha shumë mirë.

Nuk isha gati për një maratonë, besoj se do jem gati për dy vite, kam dy vite që investoj në garat e pistës. Mora pjesë vjet, dola e dyta, nuk ka rëndësi pozicioni por ajo vuajtja që ndjen kur nuk je e përgatitur, sigurisht që kur edhe ti do të arrish një rezultat”, tha Luiza Gega për Report Tv.