POP 5

Lajmet më të lexuara të 5 minutave të fundit

Kronikë

Mark Frroku i shpëton akuzës së
vrasjes, dënohet me 7.6 vite burg

​Në seancën e mbajtur sot në Gjykatën e Krimeve të Rënda për ish-deputeti Mark Frroku është dënuar me 7 vite e 6 muaj burg.  VIDEO
Ish deputeti Kristian Demokrat Mark Frroku i shpëton akuzës së vrasjes kryer në bashkëpunim dhe dënohet me 7 vite e gjysmë burg për akuzën e pastrimit të parave, fshehjes së pasurisë dhe ndërtimit të paligjshëm.
 
Pas 45 seancash tresha e gjyqtarëve kryesuar nga Klorinda Cela, Petrit Como dhe Ardiana Bera kanë zbardhur vendimin ndaj Frrokut duke e dënuar atë me 7.5 vite, ndërsa më herët pafajësi fitoi dhe i akuzuar si bashkëpunëtor i Frrokut, Kristjan Marinaj.
 
Vetë Frroku nuk ishte i pranishëm në seancë ndërsa familjarët e tij dhe avokatët mbrojtës u shprehën se do të apelojnë dënimin.

Shpallet i pafajshëm për vrasjen në Belgjikë
 
Një ditë më parë Mark Frroku nga salla e gjyqit kërkoi pafajësi duke argumentuar se s’ka asnjë lidhje me vrasjen e Aleksandër Kurtit më 1999 në Belgjikë dhe pasurinë prej 2 milion dollar për të cilën ai është në akuzë e ka vënë me punë prej 1994.
 
Mark Frroku u prangos më 2 Prill 2015 dhe prej asaj dite qëndron në qelit e paraburgimit 302, ndërsa dënimi ndaj tij me 7.5 vite pritet të marrë formë të prerë pasi të shprehet dhe gjykata e apelit.
Vrasja me paramendim e kryer ne bashkëpunim, Pastrimi i produkteve të veprës penale ose veprimtarisë kriminale, Refuzimi për deklarim, mosdeklarimi, fshehja ose deklarimi i rreme i pasurive te personave të zgjedhur dhe nëpunësve publike, Ndërtim i paligjshëm, ishin katër akuzat që rëndonin ndaj ish deputetit.
 
Me marzhin më të lartë të dënimit prej 15 vitesh kërkuar nga prokuroria akuza e vrasjes ra dhe nëse dënimi ndaj Frrokut mbetet në fuqi dhe në apel ai pritet të lirohet në vitin 2019 pasi gjysmën e dënimit e ka kryer me kohën e paraburgimit.
 
Hetimet ndaj Mark Frrokut nisën pas kërkesës së Interpol Belgjikës për arrestimin e tij në lidhje me vrasjen e Aleksandër Kurtit më 1999 në Belgjikë., kërkesë e mbërritur nga Belgjika kur Frroku ishte ende deputet në parlament.
 
Mos ekzekutimi në kohë i këtij urdhër arresti i kushtoi postin drejtorit të përgjithshëm të policis asokohe Artan Didi, ndërsa Frroku e ka mohuar gjithmonë akuzën e ngritur ndaj tij.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40