POP 5

Lajmet më të lexuara të 5 minutave të fundit

Sport

Maroku kandidat, lobon në FSHF për Botërorin 2026

Presidenti i FSHF-së, Armand Duka, zhvilloi sot një takim zyrtar në selinë e FSHF-së me një delegacion nga Federata e Futbollit të Marokut, në lidhje me kandidaturën e këtij vendi për organizimin e Kupës së Botës 2026.
Maroku kandidat, lobon në FSHF për Botërorin 2026

Presidenti i FSHF, Armando Duka dhe Naval Moutauakel, ish-Ministre Rinisë dhe e Sporteve të Marokut

Presidenti i FSHF-së, Armand Duka, zhvilloi sot një takim zyrtar në selinë e FSHF-së me një delegacion nga Federata e Futbollit të Marokut, në lidhje me kandidaturën e këtij vendi për organizimin e Kupës së Botës 2026.

Prezent në takimin e sotëm ishin znj. Naval Moutauakel, ish-Ministre Rinisë dhe e Sporteve të Marokut, njëherësh edhe Zv/presidente e Komitetit të mbështjetjes së kanditaturës së Marokut për Kupën e Botës në futboll, për vitin 2026.

Gjithashtu merrnin pjesë, ish-futbollisti maroken me famë në 50 vitet e fundit në historinë e këtij vendi, Aziz Bouderbala, anëtar i këtij komiteti mbështetës, znj.Samria Sital, drejtore informacioni në televizionin kombëtar 2M, anëtare e këtij komiteti mbështetës.

Prezent ishte edhe Ambasadori i Marokut në Shqipëri, me seli në Romë, z.Hassan Habouyoub si dhe konsulli i nderit i shtetit të Marokut për Shqipërinë, Bujar Lybesha. Presidenti i FSHF-së vlerësoi iniciativën dhe kandidimin e Marokut për të marrë të drejtën e organizimit të Botërorit, si eventi më i madh botëror i futbollit:

Mendoj që do të jetë një diçka shumë e bukur nëse do të fitojë kandidatura e Marokut, por në të njëjtën kohë, po kaq e bukur, edhe nëse do të fitojë kandidatura e SHBA, e Meksikës, apo edhe e Kanadasë.

Për një gjë jam i sigurtë, që vendimi final do të jetë më i drejti, kushdo do të fitojë të drejtën e organizimit të Botërorit. Ajo që ka më shumë rëndësi është fakti që, sikundër ju në Marok, apo edhe në vendet e tjera kandidate, faktorët politikë janë afër futbollit dhe për të mirën e saj, për të mirën e lojës.

Presidenti i FSHF-së, Armand Duka

Ndërkaq, delegacioni maroken përcolli konsideratën dhe vlerësimin e tij për zhvillimin e futbollit në Shqipëri, teksa nëpërmjet zv.presidentes të Komitetit organizator, znj.Moutauakel theksoi:

Vlerësojmë jashtëzakonisht edhe pritjen tuaj në këtë fundjavë. Shqipëria në futboll ka bërë një progres të madh, dhe kjo është një diçka e dukshme. Për këtë ju përgëzoj. Jemi këtu për të kërkuar mbështetjen tuaj në lidhje me këtë kandidaturë. Maroku sot ka ndryshuar shumë, ka një zhvillim madh ekonomik e sportiv, dhe mund të them se është plotësisht gati që të mirëpresë fazën finale të Botërorit të vitit 2026.

Por, edhe në rast se kandidatura e Marokut nuk do të fitojë, sërish mes nesh, mes Federatës së Marokut dhe FSHF-së, rrugët e komunikimit dhe të bashkëpunimit do të vijojnë të intensifikohen edhe më shumë në projekte dhe nisma kooperimi të dyanshme.

Naval Moutauakel, ish-Ministre Rinisë dhe e Sporteve të Marokut

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24