Marrëveshja, serbët e veriut
hezitojnë, Ivanoviç: Kanë frikë
Serbët e veriut hezitojnë të zbatojnë marrëveshjen e Brukselit, ndaj dhe bindja e tyre se duhet bashkëpunuar me institucionet e Kosovës do të marrë kohë. Sipas Oliver Ivanoviç, “frika e qytetarëve serbë ekziston ende, pasi nuk mund të bashkëpunojnë me institucionet e Kosovës”.
Serbët e veriut hezitojnë të zbatojnë marrëveshjen e Brukselit, ndaj dhe bindja e tyre se duhet bashkëpunuar me institucionet e Kosovës do të marrë kohë. Kështu mendon ish-sekretari shtetëror serb në ministrinë për Kosovën, Oliver Ivanoviç, sipas të cilit “frika e qytetarëve serbë ende ekziston, se nuk mund të bashkëpunojnë me institucionet e Kosovës”. Ndërsa, përfaqësuesit e institucioneve në Kosovë thonë se “Serbia duhet të ketë vullnet për t’i bindur veriorët që ta pranojnë marrëveshjen dhe ta zbatojnë atë”.
Vizita e zëvendëskryeministrit të parë të Serbisë Aleksandar Vuçiç në veri, për t’i bindur që ta pranojnë marrëveshjen e arritur mes Kosovës dhe Serbisë, sipas Ivanoviçit ka qenë për të kuptuar shqetësimet që ka popullata serbe e veriut dhe frikës që kanë ata të kthehen dhe të bashkëpunojnë me institucionet e Prishtinës.
Ivanoviç thotë se “së pari kundërshtimi i marrëveshjes ka të bëjë me frikën, pasi ata nuk kanë besim në institucionet e Kosovës, duke e pasur një histori prapa tyre”. Sipas tij, ata nuk kanë zgjidhje tjetër përveçse të bashkëpunojnë me Serbinë, e cila në këtë rast po i sugjeron se duhet të pranojnë marrëveshjen.
Në anën tjetër edhe përfaqësuesit e institucioneve në Kosovë thonë se “Serbia duhet të ketë vullnet për t’i bindur veriorët që ta pranojnë marrëveshjen dhe ta zbatojnë atë. Kryetari i Kuvendit, Jakup Krasniqi, thotë se” institucionet vendore kanë bërë atë ç’ka kanë mundur, por Serbia ka ndikimin më të madh në veri se sa institucionet e Kosovës”.
Marrëveshja e arritur në Bruksel mes Kosovës dhe Serbisë, është kundërshtuar fuqishëm nga udhëheqësit e pjesës veriore, duke thënë se “nuk do ta zbatojnë atë marrëveshje, pasi nuk dëshirojnë t’i përgjigjen institucioneve të Kosovës”.
Për t’i bindur serbët e veriut, zëvendëskryeministri i parë i Serbisë Aleksandar Vuçiç ka vizituar dje këtë zonë të Kosovës, ku ka zhvilluar takime të shuma me udhëheqësit e asaj pjese, për t’i bindur që ta pranojnë marrëveshjen dhe ta zbatojnë atë.
Marrë nga "Kosovapress"
Redaksia Online
(e.s/shqiptarja.com)
Sondazhi i ditës:
Kabineti i ri qeveritar, jeni dakord me ndryshimet e bëra nga Rama?
-
Po
37%
-
Jo
52.8%
-
Nuk e di
10.2%
Vota total: 6135
Votat totale janë unike
Lajme të tjera
-
Zjarri në Ranën e Hedhun, drejtori i zjarrfikëses: Ndërhyrje me helikopter, forcat kanë punuar gjatë gjithë natës! Balla në terren
30 Korrik, 10:03
-
Kryeministri më jetëgjatë me ministrat e Financave më jetëshkurtër
30 Korrik, 09:55
-
Shqiptari kapet me 1 milion euro kokainë në makinë, punonte për organizatat kriminale në Itali
30 Korrik, 09:48
-
Berat, tentoi të mbyllte një çështje penale 'arrest shtëpie' për ish-oficerin e Policisë Gjyqësore
30 Korrik, 09:46
-
Ndryshimet në qeveri ende ‘pezull’, pritet dekreti i Bajram Begajt
30 Korrik, 09:45
-
Situatë kritike nga zjarri në Ranën e Hedhun, pamjet e ndërhyrjes me helikopter
30 Korrik, 09:16
-
Biden kritikon 'ekstremizmin' në Gjykatën Supreme, bën thirrje për mandate me limite
30 Korrik, 09:11
-
Zjarri në Ranën e Hedhun jashtë kontrollit, rrezikohen biznese e banesa! Zjarrfikësit luftë me flakët gjatë gjithë natës
30 Korrik, 08:55
-
Pamje ‘apokaliptike’ nga Rana e Hedhun, flakët ‘rrethojnë’ resorte e banesa
30 Korrik, 08:49
-
Zjarri në Gjirokastër, aktiv gjatë gjithë natës! Zjarrfikësit në 'luftë' me flakët
30 Korrik, 08:45
-
Media italiane ‘Tag24’: Cilat vende të vizitoni në Shqipëri për pushimet verore 2024
30 Korrik, 08:17
-
Hamasi-Izraeli fajësojnë njëri-tjetrin për mosarritjen e një marrëveshjeje armëpushimi
30 Korrik, 07:50