KOSOVË- Drejtori i Institutit shqiptar për gjeopolitikë, Sadri Ramabaja e ka cilësuar marrëveshjen Kosovë-Serbi në Ohër si jo më të mirën e mundshme, por pozitive tani për tani. Në një intervistë në “Shtypi i ditës dhe Ju” me gazetarin e Report Tv Andi Kapxhiu, ish anëtari i Vetëvendosjes, u shpreh se marrëveshja gjithsesi nuk është më e mira e mundshme përsa kohë nuk përfshin njohjen de jure të shtetit të Kosovës.
“Nuk është marrëveshja më e mirë e mundshme, por ësytë pozitive, më e mira deri tani. I hap rrugë Kosovës për integrim dhe në organizatat ndërkombëtare. Praktikisht Kosova barazohet me shtetet e tjera të Ballkanit Perëndimor. Serbia po futet në rrathët shtrëngues të BE, pranimi i Kosovës edhe de jure do të krijonte frymëmarrje të lirë për trupin e Beogradin. Në rrafshin shtetëror për popullsinë serbe, do të thotë shumë. Do e kuptojë shumë shpejt qytetari serb se ëndrra është tjetër dhe realiteti është tjetri.”- tha ai.
Ai foli edhe për qasjen e Perëndimit në këtë marrëveshje, e cila mundësoi shmangien e një Republikë Srpska, të dytë në rajonin e Ballkanit.
“Kanë hequr dorë për herë të parë nga ëndrra serbe për t’u kthyer me dhunë në Kosovë. Është suksesi i kryeministrit Kurti që hoqi nga rendi i ditës marrëveshjen e disfavorshme të Asociacionit në 2013.
Faktori ndërkombëtar i rikthehej 2015 që de facto promovonte njohjen shtet mbi shtet. Por Kosovën e shpëtoi edhe njëherë SHBA dhe qasja e Britanisë një Republika Srpska e dytë.”- vijoi ai në Report Tv.
Kujtojmë se Kosova dhe Serbia u përballën me një sërë kritikash nga opozitat e tyre edhe pse në thelb, nuk pati një marrëveshje të nënshkruar. Megjithatë, edhe Presidenti serb Vuçiç edhe Kryeministri i Kosovës, Kurti e kanë paraqitur si sukses. Normalizmi nëpërmjet dy vendeve është një ndër çështjet më të nxehta në Ballkan. Në Ohër, palët u pajtuan për aneksin e zbatimit të një propozimi të BE-së për normalizimin e marrëdhënieve Kosovë-Serbi. Kurti dhe Vuçiq e kanë pranuar në parim propozimin e BE-së gjatë një takimi në Bruksel, më 27 shkurt. Propozimi i BE-së nuk e obligon Serbinë që ta njohë Kosovën, por kërkon nga të dyja vendet që t’i njohin dokumentet e njëra-tjetrës, si: pasaportat, diplomat dhe targat e makinave. SHBA-ja e ka mbështetur propozimin e BE-së, i cili më herët është njohur edhe si plani franko-gjerman.
Lajme të tjera
-
BOKS/ Alban Beqiri dhe Besian Karaj kampion të Ballkanit për peshat 67 dhe 71 kg, fitojnë mes Serbisë
23 Nëntor, 15:57 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Shqipja në Maqedoninë e Veriut: Çfarë po e pengon zbatimin e Ligjit për gjuhët?
21 Nëntor, 16:54
-
BE-ja i kërkon Serbisë ta sqarojë pasivizimin e adresave të shqiptarëve në Luginë
21 Nëntor, 16:02 -
Serbi/ 11 të arrestuar, për shembjen e çatisë në stacionin e trenit në Novi Sad që vrau 15 persona
21 Nëntor, 13:56 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06
