POP 5

Lajmet më të lexuara të 5 minutave të fundit

Bota

Giorgia Meloni falënderon Ramën: T’i japim një përqafim, e ‘masakruan’ për marrëveshjen për emigrantët

Pak ditë para se të prekë tokën shqiptare kryeministrja italiane përcolli një tjetër mesazh vlerësimi për kryeministrin Edi Rama me të cilin firmosi marrëveshjen për strehimin e emigrantëve të nisur nga veriu i Afrikës.

TIRANE- Pak ditë para se të prekë tokën shqiptare kryeministrja italiane ka përcjellë një tjetër mesazh vlerësimi për kryeministrin Edi Rama me të cilin firmosi marrëveshjen për strehimin e emigrantëve të nisur nga veriu i Afrikës.

Gjatë fjalës së saj dje në një takim elektoral në 'Piazza del Popolo' në Romë, Meloni u tha mbështetësve të saj se kryeministri Edi Rama meritonte një përqafim, për ndihmën ndaj vendit të saj.

“Le t’i japim një përqafim kryeministrit socialist të Shqipërisë, Edi Ramës, i cili u masakrua vetëm sepse ndihmoi Italinë”, ka thënë mes të tjerash Meloni.

Kryeministrja Giorgia Meloni do në jetë në Shqipëri më 5 qershor për të parë nga afër strukturat që po ngrihen në Shëngjin dhe Gjadër, aty ku punimet vijojnë. 

Më 6 nëntor 2023 kryeministri Edi Rama dhe kryeministrja italiane Giorgia Meloni nënshkruan në Romë marrëveshjen për ndërtimin në Shqipëri të dy qendrave për strehimin e emigrantëve  të cilët shpëtohen në det nga anijet ushtaraka italiane apo ato të Guardia di Finanza-s derisa të merret një vendim për fatin e tyre, nëse do të pranohen ose jo në vendin fqinj.

Sipas marrëveshjes porti i zbarkimit do të jetë Shëngjini, ku do të ngrihet qendra e parë ndërsa Gjadri do të jetë kampi ku do të ndërtohet vendqëndrimi i tyre. Kapaciteti maksimal i numrit që do të presë qendra në Shqipëri nuk mund të jetë më shumë se 3 mijë emigrantë në muaj.  Në përfundim të procedurave të vlerësimit autoritetet italiane do të largojnë me shpenzimet e tyre emigrantët nga territori shqiptar.

S.B/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 03/06/2024 03:41

    Pse vetem nje perqafim? Ju a japim falas po t'a doni kaq shume, t'a mbani e t'a keni me shendet,ne te fundit quheni si tuajin!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Mos ngurroni të bëni hapin e parë... Çfarë parashikojnë yjet për ju sot

Mos ngurroni të bëni hapin e parë... Çfarë parashikojnë yjet për ju sot

26 Dhjetor, 07:50