POP 5

Lajmet më të lexuara të 5 minutave të fundit

Kronikë

Marrëveshja për ekstradimet në Spanjë, dy dosje në tavolinën e Manjës! Ministri vendos ku do e vuajnë dënimin ish drejtori i Ujësjellësit dhe bosi i Porcelanosës

Pas marrëveshjes për ekstradimet me Spanjën dhe mbi 14 arrestime të personave në territorin shqiptar, pritet firma e ministrit të Drejtësisë, Ulsi Manja për dy rastet e para.

Pas marrëveshjes për ekstradimet me Spanjën dhe mbi 14 arrestime të personave në territorin shqiptar, pritet firma e ministrit të Drejtësisë, Ulsi Manja për dy rastet e para. Report Tv mëson se pas vendimeve të gjykatave që kanë lejuar ekstradimet në tryezën e Manjës ndodhen dosja e ish drejtorit të Ujësjellësit Kurbin, Alfred Prodani dhe e bosit të Porcelanosës, Nikolin Janina.Në rast se Manja firmos për lejimin e ekstradimit atëherë do jenë rastet e para. Në të kundërt atyre do t’i kovertohet dënimi i pakryer në Spanjë për tu kryer në Shqipëri.

Ish-drejtori i Ujësjellës-Kanalizime në Kurbin, Alfred Prodani u arrestua nga policia me 7-maj pasi ishte shpallur në kërkim ndërkombëtar për vjedhje në Spanjë. Operacioni policor i koduar “Coruna” u finalizua  nga forcat policore të Komisariatit të Policisë Kurbin, në bashkëpunim me INTERPOL Tirana.

41-vjeçari banues në Kurbin, u prangos pa bërë rezistence në qytetin e Laçit, ndërsa ndalimi i tij u bë me qëllim ekstradimi drejt Spanjës. Ai ishte shpallur në kërkim, pasi Gjykata Coruna/Spanjë, në vitin 2013, ka lëshuar urdhër arresti ndërkombëtar, për veprën penale “Vjedhja me dhunë”, parashikuar nga Kodi Penal i Spanjës". Prej 9-vitesh Alfred Prodani mbante postin e Drejtorit të Ujësjellës-Kanalizime në Kurbin, si përfaqësues i Partisë Socialiste.

Nikolin Janina, biznesmeni shqiptar, i njohur si bosi i dyqanit të njohur Porcelanosa, me akuza si trafikant droge u arrestua më 6 maj në Shqipëri me qëllim ekstradimi në Spanjë. Ai akuzohet nga autoritetet spanjolle se ka qenë drejtues i një grupi kriminal me përbërje spanjollë dhe turq, të cilët trafikonin sasi të ndryshme heroine, morfinë dhe Opium në disa shtete të Europës.

1658566965_janina.jpg

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 24/07/2022 01:50

    Duke marre parasysh llojin e krimit dhe rrezikshmerine,Prodani mund te lejohej t'a bente denimin ne vend;Janina duhet derguar ne Spanje patjeter,po te kihet parasysh cfare lloj drejtesie kemi,ekstradimi eshte nje //must//.

    Përgjigju
  • Henri: 23/07/2022 14:46

    Coi ne spanje direkt ska vend per diskutim. Urgjentttt

    Përgjigju
  • Xxxxxxx: 23/07/2022 14:42

    Ky janina me mire eshte ne burg se sa ne shtepi ...e rreh gruaja ne shtepi tre her ne dit.

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Sherr masiv në Greqi, një 19-vjeçar shqiptar përfundon në spital i plagosur me kaçavidë

Sherr masiv në Greqi, një 19-vjeçar shqiptar përfundon në spital i plagosur me kaçavidë

24 Janar, 18:30