Ministria e Infrastrukturës dhe Energjisë ka nënshkruar Marrëveshjen për kërkim – prodhim hidrokarburesh në blloku Dumrea, me kompaninë e njohur italiane ENI. Marrëveshja është nënshkruar nga ministrja e Infrastrukturës dhe Energjisë, Belinda Balluku dhe CEO i kompanisë ENI, ClaudioDescalzi, në prani të kryeministrit të Shqipërisë, z.EdiRama dhe ambasadori Italian në vendin tonë, AlbertoCutillo.
Në fjalën e saj ministrja Balluku ka vlerësuar negociatat e gjata dhe profesionale të bëra për të arritur deri në fazën finale të nënshkrimit të kësaj marrëveshjeje, e cila sipas asaj vendos një standard të ri cilësor në sektorin e hidrokarbureve.
“Marrëveshja hidrokarbure për këtë aktivitet kërkim prodhimit në bllokun Dumrea shënon vendosjen e një standardi të ri të cilësisë në këtë sektor si në aspektin teknik, ashtu edhe në aspektin financiar. Në këtë marrëveshje sigurohet respektimi i plotë i të drejtave dhe detyrimeve të secilës palë si dhe balancimi i përfitimit të tyre, duke rritur kështu dhe përfitimet e shtetit shqiptar krahasuar me marrëveshjet e mëparshme”, është shprehur ministrja Balluku.
Kompania ENI e njohur si një nga kompanitë më të mëdha dhe serioze në sektorin e hidrokarbureve në botë do të sjellë në vendin tonë reputacionin dhe eksperiencën e saj si dhe do të vendosë standarde të larta në teknologji dhe në proceset e punës në këtë industri.
Ministrja Balluku deklaroi se “sot investimet private në fushën e kërkim-zbulimit të hidrokarbureve arrijnë në vlerën e 1.5 miliardë dollarëve dhe kompania ENI me programin e saj ambicioz të punës do të kontribuojë ndjeshëm në rritjen e këtij volumi edhe më tej”.
Ndërkohë marrëveshja e nënshkruar sot mes MIE dhe ENI shënon një nga marrëveshjet më të mira përfituese për buxhetin e shtetit. Përfitime që përveç të ardhurave në buxhetin e shtetit do të shkojnë edhe në drejtim të përgjegjësisë sociale të kompanisë italiane, e cila do të ofrojë përveç punësimit edhe bursa shkollimi për ngritjen dhe formimin e kapaciteteve njerëzore të reja si dhe programe trajnimi për ekspertët vendas.
Ministrja e Infrastrukturës dhe Energjisë nënvizoi rëndësinë që i kushton Qeveria Shqiptare zhvillimit të sektorit të hidrokarbureve dhe thithjes së investimeve të huaja.
“Qeveria shqiptare e vlerëson si një nga prioritetet kryesore zhvillimin, rritjen dhe modernizimin e sektorit të hidrokarbureve, e lidhur kjo ngushtësisht me rritjen ekonomike dhe përmirësimin e klimës së biznesit në vend. Jemi të sigurt se partneritete strategjike si ky që po formojmë sot, duke nënshkruar një kontratë për bllokun e Dumresë, me një kompani ekselence si ENI, krijojnë elementë ftues dhe garancie për të përthithur edhe më shumë investime të huaja”, ka thënë ministrja Balluku.
Blloku i Dumresë, në qarkun e Elbasanit, është vlerësuar si një zonë me potencial shumë të mirë hidrokarburesh të lëngshme me një shtrirje prej 587 Km2. Kompania ENI ka fituar të drejtën për të investuar në këtë zonë, pas një gare ndërkombëtare të zhvilluar nga Agjencia Kombëtare e Burimeve Natyrore.
Aktualisht si rezultat i operacioneve hidrokarbure të kryera nga kompanitë e huaja në vendburimet e naftës dhe të gazit në vendin tonë, parashikohet që për vitin 2019 prodhimi të arrijë në rreth 1 milion tonë naftë bruto.
Lajme të tjera
-
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
Shqipëria dhe Emiratet e Bashkuara marrëveshje për krijimin e kompanisë së përbashkët të prodhimit të energjisë! Investime në vendin tonë dhe rajon
12 Nëntor, 14:22 -
Debate të forta te Ekonomia, Spaho akuza Ballukut: Keni vjedhur miliona me Thumanë-Kashar dhe tek ‘Tuneli i Llogarasë’! I përgjigjet zv/kryeministrja
8 Nëntor, 12:27 -
Bardhi akuza zv.kryeministres: Mjafton të shohim si vishej Belinda Balluku para 5 vitesh dhe se sa kushton veshja e saj sot! Je betuar për mirëqenie qytetarësh, jo të vetes
7 Nëntor, 15:51 -
Më 31 dhjetor hapet plotësisht Unaza e Madhe! Bypass i Tiranës 'peng' i negociatave me BE
6 Nëntor, 15:21
-
Berisha denoncon punimet në Unazën e Madhe: Lubi Balluku e ndau në 14 lote për të vjedhur! Ndërtojnë me çmime 10-fish më të larta se Kroacia! Të bëjmë betejë për minimumin jetik 200 euro
4 Nëntor, 13:29 -
Denoncimi PD: Skemë ‘5D’ edhe te ministria e Belinda Ballukut! Kompania e të afërmve të Blendian Dalipit, tenderë publikë
1 Nëntor, 14:48 -
'Dëmi 180 milionë euro për 1 vit' Gazment Bardhi publikon dokumente me firmën e vulën e ministres Belinda Balluku: Shmangu Bursën e Energjisë për të favorizuar 4 kompani private
25 Tetor, 17:51 -
‘Tetori rozë’, Koçiu dhe Balluku apel grave: Parandalimi përmes depistimit shumë më efikas se kurimi, kontrolle falas pa sistem referimi
21 Tetor, 13:34 -
PD padit sërish në SPAK Belinda Ballukun! Bardhi: Shit-blerje energjie në mënyrë të paligjshme, për 1 vit grabiti rreth 180 mln euro
18 Tetor, 11:44 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Protesta para bashkisë, opozita: SPAK duhet të hetojë Belinda Ballukun, menaxhon 75% të buxhetit
25 Shtator, 12:23
