MAS: Nesër rinis mësimi
në të gjitha shkollat e vendit

TIRANE - Ministria e Arsimit bën të ditur se ditën e enjte procesi mësimor do të zhvillohet normalisht në të gjitha shkollat e vendit. Përmirësimi i kushteve atmosferike ka bërë që Ministria e Arsimit të urdhërojë nisjen e procesit mësimor gjatë ditës së nesërme.
 
Si pasojë e përmbytjeve që përfshinë disa zona të vendit, duke rrezikuar edhe shkollat, pas kërkesës së Ministrisë së Brendshme, Ministria e Arsimit urdhëroi dy ditë më parë pezullimin e procesit mësimor në të gjithë vendin.

Tashmë sipas parashikimeve të meteorologëve, nuk priten reshje të dendura shiu. Për këtë arsye Ministria e Arsimit urdhëroi nisjen e procesit mësimor. 
(er.nu/shqiptarja.com)