POP 5

Lajmet më të lexuara të 5 minutave të fundit

Kronikë

MAS "skanon" diplomat, absurdi
mbi 50% e mësuesve jashtë profilit

Në disa zona të vendit, mbi 50 % e mësuesve që japin mësim në 9-vjeçare dhe në gjimnaz nuk janë të diplomuar për lëndën që u mësojnë nxënësve. Pikërisht për t’i dhënë fund këtij absurdi, Ministria e Arsimit ka nisur skanimin e profileve të 35 mijë arsimtarëve në gjithë vendin. VIDEO
TIRANË - Absurdet në sistemin tonë arsimor nuk kanë fund. Kështu në disa zona numri i mësuesve pa arsimin e duhur, pra që nuk janë diplomuar për lëndën që u mësojnë fëmijëve në shkollë, në disa zona shkon deri në 50%. Shifra është bërë publike nga vetë kryeministri Rama, i cili u shpreh i palëkundur për t’i dhënë fund kësaj “sëmundje” të shkollave shqiptare.
 
“Kemi një mospërputhje që besoj se është unikale në botë, mes profilit të mësuesit dhe lëndës që japin. Në një masë që shkon në zona të caktuara të vendit edhe mbi 50%. Merreni vetë me mend se çfarë është produkti i këtij procesi mësimor.”- është shprehur kryeministri Rama.
 
Në të njëjtën linjë, ministrja e Arsimit, Lindita Nikolla, në konferencën e organizuar sot për reformat dhe dialog në arsim, është shprehur se ky problem ekziston edhe në qytete të mëdha.
 
“Është e pafalshme, e patolerueshme që ne të vijojmë në rrugën që kemi gjetur te burimet njerëzore. Të mësuesve jashtë profilit jo vetëm në fshatra, por edhe në qytete të mëdha të Shqipërisë, janë mbi 128 të tillë në Drejtorinë Arsimore të Korçës.”- tha Nikolla.

Po ashtu gjatë kësaj konference u ngrit me shqetësim edhe çështja e mbingarkesës së kopshte, sistem i cili aktualisht përmbush vetëm 14 % të kërkesave.

Redaksia Online
(a.h/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52