Masakra e 2 prillit, Meta takon familjarët e 4 Martirëve të Demokracisë: Do ta përmbushim amanetin e tyre duke marshuar fitimtarë drejt 25 prillit

Presidenti Ilir Meta është takuar me familjarët e 4 Martirëve të Demokracisë dhe me anëtarët e shoqatës patriotike "2 Prilli".

Përmes një postimi në rrjetin e tij social ai shkrua, se së bashku kanë ndarë shqetësimin e përbashkët për gjendjen e demokracisë dhe lirisë së të drejtave të njeriut, kjo sipas tij është për shkak të keqqeverisjes.

“Si ish-student i Dhjetorit '90 ju garantova se do të jem i palëkundur në ballë të misionit historik e patriotik, që nisëm tre dekada më parë, për mbrojtjen e demokracisë, zgjedhjeve të lira e të ndershme dhe paprekshmërisë së votës, për të cilat dhanë jetën më 2 prill 1991 edhe katër djemtë më të mirë të Shqipërisë.”, thekson Meta.

Presidenti shkruan se pas 25 prillit do të plotësohet amaneti i familjarëve të Dëshmorëve.

Në fund ai tha se gjaku i 4 Martirëve të Demokracisë, të rënë për lirinë e demokracinë nuk të bëhet ujë.

 

Lajmi kryesor:

30 vite nga masakra e 2 Prillit/ Basha: Kjo ditë i jep kuptim të veçantë lëvizjes tonë sot! Meta: 4 të rinjtë u vranë pabesisht, Shqipëria vuan ende fenomenin e partisë-shtet

J.GJ./Shqiptarja.com

TAG:
• Ilir Meta
• masakra e 2 prillit