POP 5

Lajmet më të lexuara të 5 minutave të fundit

Kosova & Rajoni

Masakra në lagjen Dardania, Kurti bën homazhe në Pejë: Serbia duhet të ballafaqohet me të kaluarën e saj kriminale

Kryeministri i Kosovës, Albin Kurti, ka bërë homazhe mëngjesin e kësaj të hëne në Pejë.

Masakra në lagjen Dardania, Kurti bën homazhe në Pejë: Serbia duhet të ballafaqohet me të kaluarën e saj kriminale

Kurti me familjarët e viktimave në Pejë

Kryeministri i Kosovës, Albin Kurti, ka bërë homazhe mëngjesin e kësaj të hëne në Pejë.

Ai deklaroi sot se Serbia duhet të ballafaqohet me të kaluarën e saj kriminale në Kosovë dhe se Prokuroria Speciale duhet të punojë ditë e natë në mënyrë që përgjegjësit të dalin përpara drejtësisë. Sipas tij, vetëm në këtë mënyrë do të fillojë rehabilitimi për viktimat e luftës së fundit në Kosovë.

Pas homazheve tek lapidari i masakrës në lagjen “Dardania” në Pejë, Kurti theksoi se drejtësia dhe e vërteta janë të domosdoshme për paqe afatgjatë për siguri për të gjithë dhe për marrëdhënie të mira fqinjësore e normale, transmeton KosovaPress.

“Këtu në Pejë bëmë homazhe te lapidari duke u përulur e përkujtuar 40 të vrarët gjatë luftës së fundit në Kosovë nga forcat serbe këtu në lagjen ‘Dardania’. Drejtësia dhe e vërteta janë të domosdoshme për paqe afatgjatë, për siguri për të gjithë dhe për marrëdhënie të mira fqinjësore e normale. Serbia duhet të ballafaqohet me të kaluarën e saj kriminale në Kosovë, ndërkaq Prokuroria e Kosovës, Prokuroria Speciale duhet të punojë ditë e natë në mënyrë që përgjegjësit të identifikohen, të nxirren para drejtësisë dhe në këtë mënyrë të fillojë rehabilitimi për viktimat, ku dihet se viktima nuk janë vetëm të vrarët e të rrëmbyerit por edhe familjet e tyre, farefisi e mbarë shoqëria jonë”, tha Kurti.

Ndërkaq, të zhgënjyer nga puna e institucione në lidhje me organizimin e këtyre përvjetorëve, janë shprehur familjarët e dëshmorëve.

Familjar i dëshmorit, Ismet Nikqi, Besimi është shprehur i zhgënjyer me punën e institucioneve. Ai tha se duhet më shumë punë në këtë drejtim.

Kushtrim Gashi, familjar i pesë familjarëve të vrarë tha se institucionet përgjegjëse nuk kanë bërë sa duhet, pavarësisht që dëshmorët kanë dhënë jetën e tyre për liri.

Bashkë me kryeminsitrin Kurti në homazhe pranë lapidarit të masakrës në lagjen “Dardania” në Pejë, ishin edhe kryetari i Komisionit qeveritar për persona të zhdukur, Andin Hoti dhe kryetarja e Grupit Parlamentar të LVV-së, Mimoza Kusari.

Në këtë 24 vjetor sot kujtohen dhe nderohen 69 viktimat e lagjes Dardania 1,2 dhe 3.

Më 27 marsin e vitit 1999, banorët e lagjes Dardania në Pejë kishin përjetuar një tmerr kur paramilitarët serbë, kishin filluar t’i ndanin burrat nga familja e tyre dhe më pas i kishin pushkatuar dhe hynë edhe në shtëpitë e këtyre lagjeve ku kryen masakra të rënda.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46