SERBI – Mijëra qytetarë serbë dolën të hënën në rrugët e Beogradit për të marshuar kundër dhunës pas të shtënave me armë që i morën jetën 17 personave javën e kaluar.
Protestuesit kërkuan dorëheqjen e zyrtarëve të lartë të qeverisë dhe kërkuan të mbyllen gazetat dhe stacionet televizive që thonë se promovojnë dhunën. Turmat marshuan nëpër qendër të qytetit teksa mbanin një pankartë ku shkruhej "Serbia kundër dhunës".
"Ne jemi këtu sepse nuk mund të presim më. Ne kemi pritur shumë gjatë, kemi heshtur shumë, kemi kthyer kokën," i tha turmës Marina Vidojeviç, një mësuese shkolle, siç citohet nga agjencia e lajmeve AFP.
“Duam shkolla, rrugë, fshatra dhe qytete të sigurta për të gjithë fëmijët”.
Mijëra dolën gjithashtu në qytetin verior të Novi Sadit, ku protestat hodhën lule në lumin Danub që derdhet në kryeqytet. Pas masakrës, dha dorëheqjen Ministri i Arsimit në Beograd.
Ndërsa protestuesit kërkuan dorëheqjen e ministrit të brendshëm dhe kreut të agjencisë së inteligjencës serbe. Presidenti i Serbisë, Aleksandar Vuçiç, i dënoi protestat.
Ai akuzoi opozitën se ka kapitalizuar një tragjedi kombëtare për të promovuar interesat e veta.
“Unë do të vazhdoj të punoj dhe nuk do të tërhiqem kurrë para rrugës dhe turmës... Nëse do të jetë një riorganizim i qeverisë apo zgjedhje, do të shohim”, tha Vuçiç. Zgjedhjet e ardhshme parlamentare do të mbahen në vitin 2026.
Policia u vendos pranë të gjitha shkollave të Beogradit ndërsa mësimi rifilloi të shtunën. Qeveria po planifikon të rekrutojë më shumë oficerë për t'u vendosur në shkolla.
Protestat erdhën pasi ditët e fundit, Serbia u trondit nga dy masakra të rënda. Fillimisht një 14-vjeçar vrau 8 nxënës dhe rojen e sigurisë në shkollën e tij dhe pa kaluar shumë kohë nga kjo ngjarje, një 21-vjeçar ekzekutoi 8 persona me ndihmën e një bashkëpunëtori.Gjithsej u vranë 17 persona dhe mbi 20 të tjerë u plagosën.
Mbi 1500 armë, 50 mijë fishekë, 100 bomba, mortaja dhe armë të tjera u dorëzuar nga qytetarët serbë, në ditën e parë të nisjes së çarmatosjes vullnetare të popullsisë, pas dy masakrave që tronditën vendin. Deri më 8 qershor, të gjithë personat që posedojnë armë, do të mund t’i dorëzojnë ato pa asnjë lloj penaliteti, ndërsa pas kësaj datë, kushdo që kapet me armë do të përballet me pasoja të rënda ligjore.
Zheljko Brkiç, sekretar në Ministrinë e Brendshme u bëri thirrje qytetarëve që të dorëzojnë ço lloj arme dhe të mos i hedhin apo t’i lënë në hapësira publike. Qytetarët mund të dorëzojnë armët në posedim pa leje në të gjitha komisariatet nga ora 07:00 deri në orën 19:00. Gjatë dorëzimit, atyre nuk u kërkohet të tregojnë identitetin. Presidenti i Serbisë Aleksandër Vuçiç paralajmëroi vendosjen e masave edhe më të rrepta për zvogëlimin e sasisë së armëve legale.
“Ne do të ndryshojmë Kodin Penal duke rritur dënimet për mbajtjen e armëve”, tha Vuçiç.
Ligji i Armëve parashikon që ato duhet të mbahen në kasaforta, të mbyllura ose me kod, veçmas nga municionet. Ndërsa një person për të zotëruar një armë duhet të plotësojë kushtet shëndetësore, të cilat do të kontrollohen çdo gjashtë muaj deri në një vit.
Lajme të tjera
-
Kamberi: Nëse protestat 'shuhen', Vuçiç do e çojë Serbinë në diktaturë
25 Dhjetor, 20:46 -
Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni
25 Dhjetor, 17:25
-
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Sulmi në kanalin Ibër-Lepenc, ambasadori amerikan në Serbi: Nuk ka prova që vërtetojnë autorësinë e Beogradit
23 Dhjetor, 14:27
-
Protesta masive në Beograd, gazetari nga Presheva në Report Tv: Më e madhja ndonjëherë që kur u rrëzua Millosheviçi! Sjellja arrogante e Vuçiç i ka irrituar më shumë qytetarët
23 Dhjetor, 11:49 -
Protestat në Beograd kundër qeverisë, Vuçiç akuzon studentët: Po paguheni nga Perëndimi
23 Dhjetor, 08:32 -
Beogradi 'mpihet' nga protesta masive kundër Vuçiç dhe qeverisë së tij! Studentë nga 50 fakultete bashkë kundër presidentit serb
22 Dhjetor, 18:35 -
Vjosa Osmani e zemëruar me BE pas samitit të Ballkanit Perëndimor
19 Dhjetor, 11:17
