Masat e marra nga qeveria shqiptare në kuadër të parandalimit të përhapjes së koronavirus kanë dhënë ndikimin e tyre edhe në biznes. Ndër bizneset e prekura në shkallë vendi janë edhe dy rastet e mëposhtme, i Vlorës dhe fasonerisë së Krujës.
Shpërthimi i koronavirus, i cili ka futur në kolaps gjithë ekonominë botërore po jep ndikimet e tij edhe në Shqipëri. Ndikimi që ai ka pasur në biznese do të duket më qartë muajin që vjen. Megjithatë, sipas të dhënave, për këtë vit rritja ekonomike në vendin tonë nga 4.3% parashikohet të shkojë në vetëm 2%.
Referuar emergjencës shëndetësore nga koronavirus, ekspertët botërorë theksojnë se bota tashmë është duke u përballur me dy kriza, pasi krahas krizës shëndetësore për shkak të pandemisë së COVID-19, ne jemi duke u përballur edhe me një tjetër krizë, atë ekonomike.
Ndër, bizneset e prekura është edhe një fasoneri në Krujë. Pronari i saj, Muharrem Hoçja është shprehur se masat për shkak të koronavirusit kanë ndikuar në biznesin e tij. Sipas pronarit të fasonerisë, Hoçja mungesa e punonjësve është ajo që ka sjell më tepër probleme në prodhimtari.
“30-40% e tyre nuk vijnë në punë për shkak të frikës”, thekson ai.
Po ashtu, një tjetër problem që ka ndikuar në zinxhirin ekonomik për fasoneritë është dhe bllokimi i transporteve të mallrave nga Italia. Muharrem Hoçja thotë se biznesi i tij është i lidhur ngushtë më Italinë, dhe mungesa e furnizimit nga ky shtet e ka futur në kolaps fabrikën e tij.
Hoçja kërkon nga qeveria që fasoneritë të përjashtohen nga taksa e sigurimeve shoqërore të paktën për tre muaj. Ndër të tjera ai pohon se ka marrë 800 mijë euro kredi për të investuar në biznesin e tij, dhe se i ndodhur në këtë situatë ai nuk do ketë mundësi për të paguar jo vetëm kredinë e tij, por edhe pagat e punonjësve. Për këtë arsye, Hoçja kërkon që të përfshihen në një acistencë në grup në mënyrë që të mos falimentojë.
Masat e marra nga qeveria shqiptare në kuadër të parandalimit të përhapjes së koronavirus kanë dhënë ndikimin e tyre edhe në biznes. Ndër bizneset e prekura janë edhe ato të Vlorës, edhe pse situata do të duket më qartë muajin që vjen.
Subjektet tregtare janë ato të cilat janë prekur të parat, megjithëse po punohet me orar të kufizuar, staf të reduktuar dhe janë marrë të gjitha masat e nevojshme duke filluar që nga distanca mes punonjësve, vendosja e dizifektantëve, por edhe hyrja me rradhë e klienteve.
Administrator i prodhime brumi dhe pastiçeri Arjoli në Vlorë, Olsi Shero, konfirmon se nga tre pika të këtij biznesi që kanë qenë në shërbim, aktualisht funksonon vetem një. Sipas tij, kjo pikë përdoret vetëm për prodhim bukë dhe ka pasur reduktim stafi në pikat ku shërbehet. Ndërkaq, ambjentet e tjera janë të mbyllura.
Administratori i Prodhime brumi dhe pastiçeri “Arjoli” thekson se, pavarësisht se duhen respektuar masat e marra nga qeveria për shkak të emergjencës shëndetësore ku ndodhemi, është rritur kërkesa për bukë.
Shero pranon se masat e dy javëve të fundit kanë ndikuar së tepërmi në biznes dhe pse muaji i ardhshëm do të konfirmojë me shumë për problematikat. Prodhime brumi dhe pastiçeri Arjoli në Vlorë është një nga bizneset me të njohura në qytet, por masat e marra kanë ndikuar në punën e biznesit.
Lajme të tjera
-
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03 -
Taksa e fjetjes në hotel, këshilltarët e opozitës bllokojnë miratimin e Paketës Fiskale në Sarandë
27 Nëntor, 16:18
-
Njëri i dënuar me 20 muaj burg për shitje droge dhe tjetri me masë arresti për goditje për shkak të detyrës, 2 të arrestuar në Vlorë dhe Sarandë
27 Nëntor, 15:07 -
Vlorë/ U kap me makinë “Range Rover” të vjedhur në Itali, Policia procedon për trafik mjetesh 34-vjeçarin
27 Nëntor, 13:16 -
Himarë/ Plagosi me thikë burrin e motrës, arrestohet 27-vjeçari
27 Nëntor, 12:52 -
Reportazh/ Fshati Bajkaj i Delvinës në 'luftë' me etjen! Një dramë njerëzore mes premtimeve të pambajtura dhe shterimit të burimit të ujit
27 Nëntor, 10:27
-
Vlorë/ 250 punonjës të Fasonerisë në protestë për kushtet e punës, 8 muaj nuk paguhen siguracionet
27 Nëntor, 09:06
-
Ekonomia gjermane në prag të recesionit
27 Nëntor, 08:54 -
Krujë, vendoset busti i firmëtarit të Pavarësisë, Mustafa Merlika! Kryeministri që bëri realitet ‘Shqipërinë etnike’
26 Nëntor, 17:31
-
Pesë vite nga tërmeti, 1123 familje ende pa shtëpi në Durrës! Procesi i rindërtimit i vonuar dhe në Lezhë, Kurbin e Krujë
26 Nëntor, 16:36 -
U shkarkua në 2021 pasi nuk provoi burimin e ligjshëm të pasurisë, KPA lë në fuqi vendimin e KPK për gjyqtarin e Apelit të Vlorës, Nazmi Troka
26 Nëntor, 09:23 -
Vlorë/ Digjen një makinë dhe një motor në një banesë rrugës për në Kaninë, dyshohet e qëllimshme (VIDEO)
26 Nëntor, 09:00
