Shtireshin si zyrtarë të lartë dhe u vendosnin gjoba bizneseve, në pranga 3 të rinjtë në Tiranë! U sekuestrohen 89 mijë euro

TIRANË- Tri persona kanë rënë në pranga në Tiranë pasi shtriheshin si zyrtarë të lartë të institucioneve dhe u vendosnin gjoba biznese. Ergys Ahmetaj, Andi Basha, Gëzim Kusi 21, 18 dhe 19 vjeç mashtronin bizneset  duke u prezantuar si zyrtarë të institucioneve shtetërore për t’iu marrë para. Policia arriti të sekuestrojë 89 400 euro në banesat e tyre dhe aparatet celularë.

Nga ky operacion është shpallur në kërkim edhe një 39-vjeçar më datën 10 janar, bashkëpunëtor me tre të rinjtë.

Gjithçka arriti të zbulohej nga një përgjim i aplikacionit ‘Signal’ dhe ‘Telegram’ ku policia arriti të kapë një grup tjetër të rinjsh të cilët mashtronin bizneset në Kamzë.

Përmes operacionit të koduar “Subjekti”, u arrestuan Erjon Lika 41 vjeç, banues në Tiranë, Edmir Jaçe, 32 vjeç dhe Gazmir Ismailaj 39 vjeç, të dy banues në Vlorë.

Nga hetimet rezultoi më datën 7 janar 2023 këta persona kishin zhvatur përmes mashtrimit  shumën 12 000 euro. 

Jasmin  Pepaj, Rezart  Pepaj dhe Sherif Kadroviç,  tentuan t’i marrin përmes mashtrimi 130 mijë euro biznesmenit të ndërtimit Pëllumb Salillarit. Mirëpo tentativa e tyre rezultoi e dështuar pasi u arrestuan në flagrancë nga policia në momentin që është bërë dorëzimi i parave. Në banesat e tyre policia gjeti edhe 12 600 euro, duke e çuar në total shumën e sekuestruar në këtë operacion, 142 mijë euro.

Dy operacionet, si ai "Signal" edhe "Subjekti" nuk kanë lidhje me njëri-tjetrin për personat e arrestuar, por e kanë skemën krejtësisht të ngjashme. Personat në fjalë, kontaktin e bënin përmes aplikacioneve Signal dhe Telegram, të cilët japin mundësinë që të mos shfaqet numri i celularit, por vetëm emrin. Emrat që prezantoheshin ishin kryetar bashkishë apo drejtues të institucioneve të tjera të rëndësishme në vend.

G.MO/r.k./Shqiptarja.com

TAG:
• gezim kusi
• andi basha
• ergys ahmetaj
• mashtrim
• Tirane