Një 36-vjeçar ka kaluar orë tmerri në Fushë Krujë, pasi është përballur me disa grabitës. Këta të fundit e kanë kërcënuar me armë në banesën e tij dhe e kanë zhvatur. Report Tv mësoi se është grabitur shtetasi Blerim Kaloshi, ku maskat i kanë marrë 65 mijë lekë, bizhuteri dhe një mjet tip Volkswagen.

grabitje fushe kruje
Vila që u grabit

Njoftimi i policisë:
Më datë 04.02.2018, rreth orës 21:30, në Fushë-Krujë, persona të paidentifikuar me maska, të dyshuar të armatosur kanë hyrë në banesën e shtetasit B.K. 36 vjeç dhe duke kërcënuar kanë marrë një shumë parash, bizhuteri dhe një mjet tip Volzvagen.

Me të marrë njoftim menjëherë në vendngjarje kanë shkuar Efektivet e Policisë dhe është ngritur grupi hetimor. Uniformat blu kanë shoqëruar disa persona me qëllim identifikimin dhe kapjen e autorëve.

Materialet I kaluan Prokurorisë së Rrethit Gjyqësor Krujë për veprime të mëtejshme për veprën penale. "Vjedhja me dhunë" e kryer në bashkëpunim parashikuar në nenin 139, 25 të Kodit Penal.

grabitje fushe kruje
Vila që u grabit