MAT-Disa persona kanë djegur një makinë në fshatin Prellë dhe janë larguar me shpejtësi për të mos u diktuar.
 
Por banorët e zonës kanë lajmëruar policinë, e cila ka mbërritur menjëherë në vendin e ngjarjes duke nisur hetimet.
 
Sipas banorëve, ishin disa persona që i kanë vendosur flakën makinës në mesditën e sotme për të humbur gjurmët.
 
Policia po heton nëse makina është përdorur në ndonjë krim, ndërsa nga të dhënat e para mësohet se autorët mund të jenë trafikantë droge.

makina e djegur ne mat
(Autovetura e djegur në mat) 

Njoftimi i policisë
Me datë 13.05.2017, rreth orës 11.30, jemi njoftuar se në fshatin Prellë, njësia administrative Rukaj, është një automjet i djegur në rrugë.
 
Menjëherë është ngritur dhe ka shkuar në vendin e ngjarjes grupi hetimor, ku kanë konstatuar se :
 
në aksin rrugorë Prellë-Burrel, në fshatin Prellë, në krahun e djathtë të rrugës, është gjetur i djegur plotësisht mjeti tip "Mercedez Benz", pa targa.
 
Gjatë verifikimeve të kryera nga ekspertët e grupit hetimor është dalluar vetëm nr i shasisë.
 
Në lidhje me këtë automjet të djegur nuk kemi pasur asnjë kallzim për vjedhje apo për djegien e tij.
 
Shërbimet e Policisë po hetojnë për gjetjen e shkakut të djegies së automjetit, si dhe për identifikimin e pronarit të këtij mjeti.

makina e djegur ne mat
(Autovetura e djegur në mat)

dy.b/shqiptarja.com