Materialet zgjedhore të zgjedhjeve
të qershorit nën syrin e kamerave

TIRANE - Mes gjelbërimit të pafund në Lundër, aty ku janë dhe magazinat e rezerave të shtetit, ndodhen dhe dy magazinat në të cilat janë të vendosura mbi 5 mijë kutitët e votimit që u përdorën për zgjedhjet e pushtetit qëndror në 23 qershor. Pas një procedure ligjore që duhet të kalohej për të arritur deri te ambientet e kutive dhe materialeve zgjedhore, më në fund hyjmë për të vëzhguar më nga afër.

Në hyrje të derës si për ironi a për shaka, policët që ruanin ambientin rreth magazinave dhe që nuk lejonin hyrjen e personave të paautorizuar kishin ngjitur etiketa të vogla ku shkruhej “Kutitët të parregullta”, etiketa këto që u vendoseshin vetëm kutive të dëmtuara që vinin në magazinë dhe nuk shërbenin aspak tu ngjitur në dyer. Për të hyrë brenda u desh leja nga shefi i mbrojtjes së këtyre zyrave, i cili pas një kontorolli rutinë që u bëhet gazetarëve, lejoi specialistët e KQZ, që na shoqëruan gjatë vëzhgimit, të hapnin portën hyrës.

Errësirë totale u duk në fillim të hyrjes në magazinë, kjo pasi duke qenë një ambient i mbyllur, ku nuk lejohet hyrja për askënd, dhe dritat sigurisht që do të ishhin të fikura. Mjaftuan vetëm pak sekonda dhe gjithçka u ndriçua, ku në magazinë me një sipërfaqe shumë të madhe ndriçonin tashmë vetëm kutitë e votimit. Të ndara sipas qarqeve, ato ishin të sistemuara në mënyrë të rregullt dhe të qartë për tu identifikuar.

Kishim gjithë lirinë e plotë për të filmuar dhe fotografuar çdo kënd të magazinës. Përveç kutive të mbushura me fletë votimi që binin më shumë në sy, një numër i madh ishte dhe për kutitë rezervë që do të mund të përdoreshin për zgjedhjet që sapo lamë pas. Por kishte dhe disa kuti të dëmtuara, të çara, në të cilat gjendeshin vetëm topa letre dhe kanaçe pijesh të mbetura prej kohësh.

KEMERAT

Në krahun e djathtë të hyrjes në magazinë, ndodhej dhe një dhomë e vogël, në të cilën gjendej një monitor që regjistronte pamjet filmike të ruajtes së materialeve zgjedhore. Sipas specialsitëve të KQZ, ky monitor nuk fikej asnjëherë deri sa të largoheshin materialet zgjedhore nga këto magazina. Kjo për të garantuar siguri që askush nuk do të hynte në këtë ambient, i cili sipas tyre ishte në vëzhgim të plotë 24 orë. 

Shkrimi u botua sot në gazetën Shqiptarja.com (print) 25.07.2013
 
Redaskia Online
(b.m/shqiptarja.com)

TAG:
• kqz