Si nuk u ndodh dikush të na bënte një fotografi ditën që mbaruam “Maturën”! Sa e pritëm “maturën” ne të bijt’ e viteve 80 drejt 90. Ne që u rritëm me shokë klase, ngjitur në bankë, me bërrylat që nuk u cikën kurrë që të mbetej në memorie kujtimi.
Matura sinonim i rrugës drejt humbjes së virgjërisë. Matura me “kofshët e mbyllura, si portët e kishave”.
Matura me vargjet e mësuara përmendësh për provimin e “Letërsisë“. Ndre Mjeda. De Rada. “Kënga e Sprasme e Balës”, “Ajkuna qan Omerin”. Shekspiri. “A është kamë kjo që kam përpara meje?”. Dhe djemtë që prisnin vajzat pas derës ku zhvillohej provimi.
Matura, viti më i bukur në jetën shkollore. Matura që na bënte zemrën të rrihte pa hyrë tek oborri i shkollës. Matura ku shokët që donim e që donin, ndoshta të tjera, ishin larguar, për të qenë pranë nesh.
Matura me ankthin më të bukur në botë, atë të tezave të provimit. Sa “teza” sajonim në shtëpi me temat që mund të në binin në provim. Sa e bukur frika e asaj që kishim mësuar, por që kishim frikë se nuk e dinim.
Orët e vitit të Maturës na vunë emrin më të bukur në botë. Ne ishim “maturantë“. Ne ishim maturantët e fundvitit 90-të. Ne që nxitonim për të shkuar në shkollë. Ne që prisnim pushimet e vogla, me pasion të madh. Ne që ndamë bukën me njëri-tjetrin. Ne që u prekëm me vështrime nga fundi i korridorit. Ne që zilen që shënonte fundin e orës së mësimit e prisnim me clirimin që nuk ishim ngritur në mësim, edhe kur kishim mësuar. Ne që “kabinetet” i njohëm përmes Gjeografisë së Xhackës, Historisë së Donikës, Kimisë së Evës. Ne që në ekskursione merrnim “bukë me vete”.
Ne që u dashuruam edhe në zborr. Ne që dashurinë e lamë për vitin e Maturës. Matura, viti ku “lejohej”, gati-gati të bije në dashuri. Kur shokët prisnin pas derës së “provimit”, ashtu si burrat presin lajmin e foshnjës që do tu lindte.
Matura, koha kur jeta na thërriste dhe sytë zgjateshin drejt Bulevardit. Matura me orët e gjata, të shkurtra të dashurisë. Matura, me shokët që të bënë të parët “friend request” në Facebook.
Matura ime e “Gjuhëve të huaja”. Irena me shtëpinë te ATSH-ja, Migeni, “kinge e Kombinatit”, Ledi, Helidoni, Eda, Teuta, bukuroshja e Durrësit, Bona, Alketa, Hilmija, Fahrija, Turi, Sabina, Nasi Dhimogjika, Ilir Haxhia, Nerta, Moza, Arianita, Arianiti, Elona, komshia ime, Flora, e plot të tjerë.
Matura, një vit, sa histori. Matura sinonime me “dashuri”. Matura me nxitimin për të mbaruar “shkollën” e për të hyrë në “rrugën e jetës”. Nxitimi sinonim me “maturën”. Sikur ta dinim! Ndoshta nuk do të kishim nxituar. Ndoshta…
Komente
Lajme të tjera
-
Diplomat elektronike të Maturës, mbi 25 mijë maturantë e përfituan online tek e-Albania
14 Gusht, 16:12 -
Ministrja Denaj thirrje maturantëve për të zgjedhur Universitetin Bujqësor: Mundësi për karrierë të suksesshme
2 Gusht, 14:49 -
Akademia e Sigurisë përfshihet në portalin ‘UAlbania’, 100 kuota për studime në Fakultetin e Sigurisë dhe Hetimit
15 Korrik, 12:20 -
Matura 2024/ Publikohen rezultatet e provimit të lëndës me zgjedhje, nota mesatare 7.51! Vetëm 306 maturantë ekselentë, 630 ngelin
30 Qershor, 09:31 -
Matura 2024/ Publikohen notat e provimit të Matematikës, vetëm 242 maturantë marrin 10 absolute, 701 ngelës
27 Qershor, 12:36 -
Provimi me zgjedhje mbyll Maturën Shtetërore! Sara maturantja që do të studiojë mjekësi: Nuk iki jashtë! Klesti juristi i së ardhmes: Luftoj korrupsionin
24 Qershor, 17:12
-
Matura 2024/ Sot provimi i fundit i lëndës me zgjedhje, tezat publikohen në rrjete sociale 15 minuta pas testit
24 Qershor, 10:30 -
Matura/ Gati trefishohen mbetësit te gjuha e huaj, 952 s’kaluan, nga 384 vitin e kaluar! 9 herë më pak ekselentët! Ekspertët: Duhet ndryshuar metodologjia
21 Qershor, 18:15
-
Matura/ 28 mijë maturantë testohen në Matematikë, teza publikohet 30 minuta pas nisjes së provimit! Ministria: Nuk cenon procesin (FOTOT)
18 Qershor, 07:40 -
Matura 2024, publikohen rezultatet e provimit të Gjuhës së Huaj, 952 maturantë kanë marrë notën 4, vetëm 119 me 10 absolute
14 Qershor, 16:07 -
Matura 2024, nesër 28 mijë maturantë testojnë njohuritë në “Gjuhën e huaj”! Ministria: 2900 vëzhgues, tre nivele vështirësie, 70% e sallave me kamera
2 Qershor, 16:27
-
Ja datat për provimet e Maturës Shtetërore 2024
9 Maj, 15:27
Pershendetje Znj. Evis. Me ke kujtuar vitet e shkolles se mesme. Jam mrekulluar me shkrimin tuaj. Sa bukur. Ah moj Evis sa e veshtire qenka mosha. Une kam rreth 45 vjet qe kam mbaruar dhe me sa nostalgji e kujtoj. Kujtoj kur prisnim radhen per te hyre ne provimin me goje. Nje emocion por edhe kenaqesi pasi do mbaronim e do niosnim rrugen e jetes. Me ktheve pas ne kohe.
PërgjigjuZnj.Evis Cerga dua t'ju falenderoj per shkrimet shume te bukura qe botoni.Me dukeni si nje moter ose shoqe e ngushte qe ndan kujtimet me mua.Nuk e di nese edhe botoni por ju lutem permblidhini keto e shkrime te tjera e botohini si liber me vete do ishte dicka shume e bukur!
PërgjigjuUne kam plot 55 vite qe kam mbaruar provimet e matures. Na I zgjove ato kujtime Ku tre vajza lshin si tre motra per ne 12 djemt. Ku ne provimet do shkoonim me qef dhe prisnim rradhe per tu fut ne provi.