TIRANE - Notat nuk kanë lidhje me procesin e korrigjimit të provimeve të maturës. Nëse maturantët nuk kanë bërë përpjekje për të kaluar provimin, për të studiuar, për të investuar tek vetja e tyre, normalisht që do të dalin keq në provim.

Kështu shprehet në një intervistë për “Shqiptarja.com” drejtoresha e Agjencisë Kombëtare të Provimeve Rezana Vrapi, e cila shpjegon dhe mënyrën se si bëhet përzgjedhja e testeve. Sipas drejtoreshës së AKP-s, pas notave të matematikës dhe provimeve me zgjedhje dhe pas publikimit të kuotave, do të publikohet dhe formulari A2.