Testi vlerësohet me 50 pikë dhe për të qënë kalues duhet të grumbullohen 10 pikë. Gazeta publikon sot modelin e testit të viti 2014-t dhe pyetjet që kishte njëra nga tezat. Testi do të nisë në orën 10:00 dhe do të përfunojë në orën 12:30. Provimi i Gjuhë-Letërsisë është një nga komponentët që do të përdoret për llogaritjen e pikëve, duke shtuar mesataren, notën e provimit të matematikës dhe notën e provimeve me zgjedhje.
Formula për llogaritjen e pikëve është: s={[26 x M +20x (01+02)] x K +17 x(ZlxF1+Z2 x F2)}x5, ku M, Dl, D2, Zl dhe Z2 janë pikët mesatare, vlerësimet në lëndët e detyruara “Letërsi dhe gjuhë shqipe”, “Matematikë” dhe në ato me zgjedhje. K, Fl dhe F2 janë koeficienti i shkollës dhe koeficientet e lëndëve me zgjedhje të përcaktuara nga universitetet publike. Ministria e Arsimit thotë se maturantët duhet të kenë kujdes me zbatimin e rregullave në të kundërt do të përjashtohen nga provimi.
“Maturanti përjashtohet nga provimi kur ndryshon vendin që i është caktuar, kopjon, bën komente për përmbajtjen e testit, mban telefon ose mjete te tjera të komunikimit. Po kështu përjashtime ka edhe kur maturanti refuzon kontrollin nga administratorët në momentin e hyrjes në provim, përdor lapsa apo më shumë se një ngjyrë në provimin e testit, kur dëmton testin apo barkodin. Mjediset kudo te zhvillohen provimet duhet të jenë të ajrosura dhe të ndriçuara. Të kenë të instaluara në vende të sigurta bllokuesit e valëve të telefonisë celulare, për të siguruar bllokimin e plotë të tyre”, - parashikon rregullorja e maturës shtetërore.
MAS thotë se do të ketë rregulla më të forta se provimi i gjuhës së huaj. Po cilat do të jenë veprat që mund të bien në provim? Poezi: Homeri “Iliada”; Populli “Këngë të epikës legjendare shqiptare”; N. Frashëri “Lulet e verës”; De Rada “Këngët e Milosaos”; Bajron “Çajld Harold”; Fishta “Mrizi i zanave”, Poradeci “Lirika”; Migjeni “Vargjet e lira”; Kadare “Ca pika shiu ranë mbi qelq”.
Prozë: Servantes “Don Kishoti”; Hygo “Katedralja e Parisit”; Pashko Vasa “Bardha e Temalit”; Balzak “Evgjeni Grande”; “Xha Gorio”; P. Marko “Qyteti i fundit”; Kadare “Kështjella”; Kamy “I huaji”; Markes “100 vjet vetmi”; Koliqi “Tregtar flamujsh”. Dramë: Eskili “Prometeu”; Shekspir “Romeo dhe Zhuljeta”, “Mbreti Lir”, “Makbeth”,“Hamleti”; Molier “Mizantropi”; Ibsen “Shtëpi kukulle”, ”Armiku i popullit”; Çajupi “14 vjeç dhëndër”; Noli “Izraelitë dhe filistinë”.
Shkrimi u botua në Shqiptarja.com (print) në 28 Maj 2015
Redaksia Online
(d.a/shqiptarja.com)