Mërgim Mavraj është edhe zyrtarisht futbollisti i Ingolstadt në Bundesligën e dytë gjermane. Kapiteni i Kombëtares është rikthyer në futbollin gjerman dhe është prezantuar tek Ingolstadt pasi ka nënshkruar kontratë deri në qershor të vitit 2020 pra një kontratë për një vit e gjysëm. Ingolstadt mban vendin e fundit në Bundesliga 2 dhe si objektiv ka mbijetesën. Për këtë drejtuesit e skuadrës gjermane kanë besim se Mavraj do japë kontributin e tij duke thënë:”
“Mavraj është një fitues, luftëtar i jashtëzakonshëm dhe njohës i mirë i futbollit gjerman. Ai do na ndihmojë shumë për të qëndruar në Bundesligën 2”. Ngjyrat e skuadrës së Ingolstadt janë kuq e zi dhe mbrojtësi 32 vjeçar që u largua nga Aris i Selanikut ka postuar një foto në facebook duke shkruar: “ngjyrat magjike” ku duket shumë i lumtur.
Ndërkaq Mavraj për faqen e klubit ka thënë:” Në karrierën time kam përjetuar moment të vështira dhe dua të sjell përvojën time për të dalë nga kjo situatë”. Mavraj karrierën e ka zhvilluar ën futbollin gjerman me disa skuadra si Furth, Bochum, Këln dhe së fundmi Hamburg duke luajtur 158 ndeshje në Bundësligën e parë gjermane dhe 86 takime në Bundesliga 2.
Komente
Lajme të tjera
-
Mavraj drejt transferimit te Partizani: Jam në bisedime
24 Gusht 2022, 14:00 -
Mavraj largohet nga kombëtarja, Duka i prekur: Jam krenar për djem si Mërgimi, por çdo gjë e ka një fund
23 Gusht 2020, 18:16 -
Mavraj njofton largimin nga Kombëtarja: Vitet ndoshta nuk janë shumë, por emocionet po! Njoha veten dhe vendin tim
23 Gusht 2020, 14:50 -
Ana tjetër e një imami, Ahmed Kalaja tregon pasionin për futbollin: Ja cila është skuadra e zemrës! Flet edhe për futbollistët agjërues
29 Prill 2020, 11:06
