Nënkryetari i Bashkisë Tiranë, Arbjan Mazniku i ftuar në emisionin "Repolitix" në Report Tv foli për shembjen e Teatrit Kombëtar. Ai tha se ajo godinë ishte një bombë me sahat dhe nuk kishte pse pritej më. Gjithashtu prishja është miratuar me 55 vota nga 61 në Këshillin Bashkiak, tha Mazniku, ndërsa shtoi se vendimi për prishjen nuk ishte aspak i nxitur por janë ndjekur të gjitha procedurat e përcaktuara nga ligji.
"Ne kemi ndjekur të gjitha proceduar që ligji parashikon, ka një VKM nga qeveria që kalon Teatrin kombëtar në Bashkinë Tiranë dhe ka një hipotekë që i përket bashkisë. Teatri nuk është një objekt që mund të restaurohet dhe për këtë bashkia kërkuar prishjen që është miratuar nga Këshilli Bashkiak dhe më pas IMT që është përgjegjëse për shembjen e objekteve ka marrë veprimet e duhura. Ajo ndërtesë ishte një bombë me sahat dhe nuk kishte asnjë arsye pse të pritej më. Prishja është miratuar me 55 vota nga 61 në Këshillin Bashkiak. Nuk ka tradhti më të madhe se të mos i japësh mundësi njerëzve që të jenë në këshill. Çdokush I kishte të gjitha mundësitë, aktor, regjisor, protestues, aktivist, të marrin pjesë në struktura vendimmarrëse e të shprehin opinionin e vet", tha Mazniku.
Mazniku tha se projekti i Bjarke Ingels është marrë falas pasi arkitekti danez është paguar nga firma Fusha që u tërhoq, si pjesë e marrëveshjes që kishin dhe për këtë arsye zgjodhën që të mbanin atë. Mazniku shtoi se teatri i ri do të jetë modern me të gjitha kushtet dhe do të përfshijë dhe 3 salla, një e madhe me 600 vende dhe 2 më të vogla me 300 vende.
"Projekti na mbeti ne ishte pjesë e marrëveshjes me firmën Fusha. Ishte marrëveshje e bërë që në fillim. I pari është një projekt nga një arkitekt shumë i mirë, është punuar me artistët duke e sjellë sa më afër kërkesave të tyre në mjediset e teatrit, dhe e treta ne e marrim këtë projekt pa pasur nevojë të paguajmë për të si pjesë e marrëveshjes të bërë nga firma Fusha , kur u mbyll kontrata. Ka qene firma Fusha që ka paguar arkitektin", tha Mazniku.
Mazniku tha se në çdo punë të mirë që është bërë për Tiranën, ka pasur një pakicë që ka hedhur gjithmonë baltë. Në lidhje me diskutimet me artistët dhe shoqërinë civile, Mazniku tha se janë zhvilluar 28 të tilla dhe janë ezauruar çdo mendim duke u shfaqën në projektin përfundimtar.
"Kemi bërë më shumë se 28 takime me artistët për të diskutuar për teatrin dhe kjo pjesë e diskutimit është ezauruar. U gjendën para një pakicë që nuk është e gatshme të ndryshojë qëndrimin e vetë dhe një shumicë që është zgjedhur për të qeverisur dhe vendosur. Ndërtimi i një teatri të ri ka qenë premtim i fushatës së Veliaj dhe më këtë ka marrë votën. Nuk më shqetëson protestat, ne jemi mësuar me këtë histori që kur filluam me këndin e lojërave në Kodrat e Liqenit, një nga projektet më të bukura në këto 4 vite. Jemi mësuar se pas çdo pune të mirë ka një palë që është gati të hedh baltë, është pjesë e çmimi që paguajmë për progresin e bërë. Pazari i Ri, Bulevard i ri, sheshi Skënderbej, ndjej një krenari të madhe kur shoh këto punë që janë bërë për qytetin. Do të ndihen të turpëruar në të ardhmen ata që kanë protestuar sot, kur teatri i ri të jetë një nga projektet më të bukura dhe të rëndësishëm të rajonit jo vetëm Tiranës." tha Mazniku
Arbjan Mazniku tha se teatri i ri do të jetë modern me të gjitha kushtet dhe do të përfshijë dhe 3 salla, një e madhe me 600 vende dhe 2 më të vogla me 300 vende.
"Do të ketë 3 salla, një e madhe me 600 vende dhe dy salla me 300 veta dhe do të ketë një seri të dhomave më të vogla për provat dhe ushtrimet e shfaqjeve. Është bërë një diskutim shumë i gjatë mes artistëve dhe studion që bëri projektin. Është një objekt që synon me shumë krenar të mbajë 100 viteve e ardhshme të teatrit shqiptar", tha Mazniku
Nënkryetari i Bashkisë Tiranë, Mazniku tha se projekti është në detajimin teknike dhe inxhinierik dhe më pas do të hapet gara për kompanitë duke përfshirë dhe ata ndërkombëtare për ta ndërtuar.
"Kemi nevojë tani të detajomë projektin në nivel teknik dhe inxhinierik që të marrë formën e tij ekzekutive e të kthehet nga një projekt-koncept në një projekt-zbatimi dhe të fillojmë më prokurimin e projektit. Do të ketë një procedure e tender publik ndërkombëtar për të zgjedhur një kompani që ta ndërtojë. Është e hapur edhe për firma të huaja", tha Mazniku.
Mazniku tha se janë tre arsye pse zgjodhën të mbanin projekt danez, ndërsa shtoi se ky projekt është marrë falas pasi arkitekti danez është paguar nga firma Fusha që u tërhoq, pasi ishte pjesë e marrëveshjes
"Kompania Fusha ka zgjedhur Bjarke ingels për partner dhe e kanë në kontratat e tyre. Projekti është përmirësuar është rregulluar kanë lëvizur disa element brenda saj, por në fundi si pasojë e kostove që u shtuan si pjesë e negocimit me artistët, marrëveshja u prish, pasi nuk i dilte llogaria e saj me kërkesat tona. Projekti na mbeti ne ishte pjesë e marrëveshjes me firmën Fusha. Ishte marrëveshje e bërë që në fillim. I pari është një projekt nga një arkitekt shumë i mirë, është punuar me artistët duke e sjellë sa më afër kërkesave të tyre në mjediset e teatrit, dhe e treta ne e marrim këtë projekt pa pasur nevojë të paguajmë për të si pjesë e marrëveshjes të bërë nga firma Fusha , kur u mbyll kontrata. Ka qene firma Fusha që ka paguar arkitektin", tha Mazniku.
Komente
Lajme të tjera
-
Teatri i ri, Veliaj: E ndërtojmë për 100 vitet e ardhshme
2 Nëntor, 15:29 -
Vijojnë punimet për ndërtimin e Teatrit të ri Kombëtar, ja pamjet me dron nga kantieri (VIDEO)
1 Nëntor, 12:02 -
‘Ma solle kafen si diversant’, Rama batuta me studentin në Elbasan: Mos je nga Gjirokastra ti?
20 Shtator, 19:05 -
Gjiknuri ‘lë stafetën’, Arbjan Mazniku prezantohet si drejtues qarku në Elbasan
13 Shtator, 22:52 -
Nisja e vitit të ri shkollor, Muzhaqi dhe Mazniku në Përrenjas, urojnë nxënësit dhe mësuesit
9 Shtator, 17:07 -
Mazniku uron vitin e ri shkollor në mjediset e rikonstruktuara të Shkollës Artistike 'Onufri' në Elbasan
9 Shtator, 14:15 -
Veliaj inspekton punimet te Teatri i Ri: Në 30 muaj po bëjmë atë që humbëm në 30 vjet
3 Gusht, 12:55 -
VKM/ Rriten pagat e punonjësve në 61 Bashkitë, Mazniku: Ekspertët do paguhen të gjithë njësoj! Do rishikohet formula për ndarjen e fondeve
1 Gusht, 11:07 -
'Dosja 5D', ministri Arbjan Mazniku merret në pyetje nga SPAK
22 Korrik, 09:55 -
Katër vite nga shembja e Teatrit Kombëtar, Meta: Akt kriminal që ende sot mbetet pa përgjegjës
17 Maj, 12:03 -
Mblidhet Këshilli Konsultativ, Veliaj: Lehtësim i lejeve për shtëpitë në fshat dhe agroturizmat! Jo vonesa për veprat publike
8 Prill, 17:03 -
‘Biznesmenit’ i bëhet ‘gjyqi’ në Teatër! Gëzim Kame e Viktor Zhusti ‘mbledhin’ në tryezë figura të drejtësisë në pension. Artistët rrëfejnë shfaqjen
29 Mars, 19:34
PRITNI PAK SE NUK KENI PARE asgje Akoma,,,kur te prishi edhe muzeun kombetar,,,///
PërgjigjuQelbësirat kanë bërë plan për prishjen shumë shpejt të teatrit të kukullave. Janë bijtë e atyre që bënë kasaphanë për 40 vjetë me radhë në popullin e tyre
1+1=2
Përgjigju