Parlamenti ka filluar procedurën për shkarkimin e Ilir Meta nga detyra e presidentit, një institucion që kurrë nuk është përdhunuar në mënyrë kaq banale nga askush më parë. Ka ndodhur që kemi pasur president që i ka shpallur luftë popullit, ka ndodhur që kemi pasur president që e ka injoruar populli, por kurrë nuk kemi pasur president kaq banal, që të na poshtërojë si popull duke qenë i zgjedhur ynë.
Argumentet juridikë për shkarkimin e Ilir Metës janë me shumicë dhe janë renditur në kërkesën për shkarkim. Kjo është punë e Parlamentit. Nuk jam në gjendje tani të parashohim si do shkojë procedura dhe a do të mbërrijë Parlamenti, dhe pas tij Gjykata Kushtetuese, ta nxjerrin nga zyra pa i përfunduar afati.
Por kjo tani ka pak rëndësi. Ilir Meta nuk po shkarkohet se i duhet dikujt ai vend. Procedura për shkarkimin e Ilir Metës nuk ka kuptimin e një ndërmarrje politike për të hequr Ilir Metën dhe për të vënë një të vetin. Procedura për heqjen e Ilir Metës ka kuptim për të hequr turpin nga vetja dhe nga emri i Shqipërisë dhe për t’ia lënë atij që e ka.
Skandali publik i Ilir Metë me qëndrimin ndaj SHBA, aleatit strategjik të Shqipërisë, haluçinacionet e tij se SHBA do ta vriste me raketë në Malin me Gropa, përsiatjet e tij rreth aeroplanmbajtëseve ruse dhe koreane, si alternativë ndaj SHBA, dhe marrëzirat e tjera personale në adresë të ambasadores amerikane në Tiranë, janë të mjaftueshme që atë ta çosh, ose në pavionin nr. 5, ose në shtëpi, por gjithsesi të mos e lësh më në Presidencë.
Shqipëria nuk mund të distancohet zyrtarisht nga Ilir Meta, nëse shumica në pushtet nuk bën një gjest largimi për të. Ai pas një viti dhe ashtu është në shtëpi, se i mbaron mandati, por kjo nuk mjafton. Askush nuk është i dëshiruar për vendin e tij, por shqiptarët ndjehen të turpëruar nga çmendja e tij. Dhe procedura për shkarkimin e tij është procedurë për shkarkimin e turpit nga kurrizi i shqiptarëve dhe Shqipërisë, duke ja lënë atij që e ka prodhuar.
Do të ishte dinjitoze që opozita e Lulzim Bashës po ashtu t’i bashkohej kësaj iniciative moralisht. Ky nuk është një diversion për raportet mes tyre, se ato dhe kështu janë plot dyshime për njeri- tjetrin. Por sjellja e Ilir Metës , turpërimi publik që ai i bën postit të presidentit, është një ftese për qëndrim nga opozita.
Opozita shqiptare nuk mund ta injorojë këtë skandal dhe nuk mund të bëjë sikur nuk e ka parë se çfarë ka bërë presidenti. Sali Berisha së paku është treguar i ndershëm dhe i ka dal zot, duke thënë se ishte duke mbrojtur Kushtetutën (në Malin me Gropa).
Por heshtja e Lulzim Bashës, e njehëson atë me qëndrimin e Metës dhe Berishës, edhe pse diplomatëve u thotë gjëra të tjera në takime. Demokratet në bazë dhe mbështetësit e opozitës deri tani nuk kanë parë ndonjë distancim të partisë së tyre, partisë së parë pro-perëndimore në Shqipëri, të distancohet nga ideja e Ilir Metës se ne mund të zgjedhim mes SHBA e Rusisë, apo haluçinacioneve të tij se SHBA të vret me raketë në Malin me Gropa (për dreq aty po bëhet dhe stërvitje me raketa të vërteta në këto momente.)
Ndaj ka rëndësi që politika shqiptare të mbështesë shkarkimin e Ilir Metës si president, për t’i hequr turpin Shqipërisë, jo për t’i hequr rrogën Ilir Metës. Rrogën e ka marrë paradhënie për dy jetë ai.
Komente
Lajme të tjera
-
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
Basha për situatën në vend: Kryeministri me fjalor ‘Noc Rroku’ mbushi Parlamentin me Çyrbet e tij, antimodeli i një shoqërie ku ka pllakosur dhuna dhe arroganca!
20 Nëntor, 15:16 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34 -
Krimet në vend, Basha: Pasqyrë e degradimit të sigurisë, Rama erdhi në pushtet me mbështetjen e krimit
19 Nëntor, 15:22
SHKARKOJENI KETE hajdut ordiner,,,,,,dhe sekuestroijini te gjithe pasurine,,,,dhe ti hiqet e drejta per te votuar per 20 vjet....nuk e meritonte qysh ne krye te heres te ishte president ky palaco...
Përgjigju