Më shumë se 20 000 gra shqiptare nga Kosova janë dhunuar seksualisht nga forcat serbe. Njëra prej ka pranuar që të rrefej të gjithë tmerrin e përjetuar gjatë asaj periudhe. Ajo ka folur për fotografinë që u shfaq në Kuvendin e Kosovës ku edhe pse nuk ishte e luftës së Kosovës, zonja ka thënë se skena të tilla kanë ndodhur me shumicë në Kosovë dhe madje gratë kosovare janë dhunuar edhe në sy të fëmijëve, prindërve e burrave të tyre.
Më pas gruaja vijon me rrëfimin tronditës në emisionin Frontal në T7, teksa thotë se serbët kanë marrë atë dhe 16 gra të tjera dhe i kanë dhunuar seksualisht. Gjithashtu tregon se janë djegur edhe me cigare dhe e plagosur me thikë.
“Ato tri ditë, kanë qenë si 3 mijë vjet. Sa herë vjen 5-6-7 Marsi, mua çdoherë me gjen në neurologji, sepse kanë qenë vuajte tmerruese. Na kanë rreh, na kanë djeg me cigare, trupin e kam me shenja, fytyrën, fytin. Jemi there me thikë, me na i prishë bukurinë dhe me na i lënë shenjat që me na u kujtua kjo ngjarje çdoherë. Kam qejf me djegë trupin tim krejt, mos me i kujtua ato ditë. Mendojsha vec qysh me vdekë.“- është shprehur e dhunuara.
Ajo u shpreh se goditjen më të madhe e kishte marrë kur ishte kthyer në shtëpi, pasi gjatë takimit me burrin, kur ia kishte shpjeguar gjërat, ai i kishte thënë se nuk është më gruaja e tij. Ndoshta, sipas saj, këtë veprim e bëri edhe për faktin që ajo gjatë dhunimit nga serbët, mbeti shtatzënë. Kurse fëmijën, ajo shprehet se për 6 vite me radhë u rrit nga motra e saj, ndërsa tani e ka pranuar dhe e do më shumë se veten e saj.
“Kur jam kthyer në shtëpi, burri me ka pyetur se çka ka ndodh. I thashë që ata nuk na kanë marrë me na qarrosë, e as me na shëtite. I thashë pse nuk me mbrojte, pse nuk dole para automatit e me thënë që mos e merrni gruan time, po mua. I tregova se çfarë ka ndodhur, me tha prej sot nuk je gruaja ime!” ka thënë ajo.
"Fëmija jeton me mu. Është kujdes motra për të deri kur ka bë 6 vjet. Se 8 vjet nuk kamë mund me marrë veten. Tash e du edhe jetën e jap për ta. Është prap e gjakut tem e venave të mia", deklaroi viktima e dhunës seksuale në Kosovë.
![](https://shqiptarja.com/template/img/NO_ALFA_Kuadrate shqiptarja.png)
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Viktimat e dhunes seksuale gjate Luftes ne Kosove jane dhimbja me e madhe qe kemi mbi supet tona, jemi treguar politikishte te pa pergjegjshem pasi kemi politikaj horra,kriminela,deputete qe nuk meritojne te jene ne Kuvend, thjeshte kemi shkelur mbi gjakun e viktimave qe u dhunuan nga shkijet cetnike per perfitime politike. Edhe sa mund te mbaje njeriu mbi suppe nje gjenocid te tille,ky problem do duhej te parashtrohej ne shtete e BE qe pas mbarimit te Luftes e Ne ja kemi futur gjumit dimeror. Eshte e pakuptueshme se si nje shoqeri e tere nuk mund te organizohet dhe te ngris zerin per femrat e dhunuara.Ata qe nuk luftojne krimin jane kriminele.
Përgjigju