POP 5

Lajmet më të lexuara të 5 minutave të fundit

Kronikë

Mbi 19 mijë të vaksinuar në 24 orët e fundit, Manastirliu: Kapërcyem 550 mijë vaksinime në total

Numri i vaksinave të kryera në vend ka kaluar shifrën e 550 mijë. Kjo u bë e ditur sot nga Ministrja e Shëndetësisë, Ogerta Manastirliu, e cila tha po ashtu se vetëm në 24 orët e fundit janë kryer 19 197 vaksinime.

Mbi 19 mijë të vaksinuar në 24 orët e fundit, Manastirliu: Kapërcyem 550 mijë vaksinime në total

Foto nga fushata e vaksinimit në Shqipëri

Numri total i vaksinave të kryera në vend ka kaluar shifrën e 550 mijë. Kjo u bë e ditur sot nga Ministrja e Shëndetësisë, Ogerta Manastirliu, e cila tha po ashtu se vetëm në 24 orët e fundit janë kryer 19 197 vaksinime.

"Vaksinimi nuk ndalet në çdo cep të vendit, për mbrojtjen e jetës dhe shëndetit të qytetarëve. Sot kapërcyem 550 mijë vaksinime", shkruan Manastirliu.

Vaksinimi masiv në vend vijon prej më shumë se një muaji dhe efektet kanë filluar të ndjehen, duke parë uljen e numrit të infeksioneve ditore dhe fataliteteve. Në 24 orët e fundit u regjistruan 92 raste të reja dhe një viktimë, ku nuk mundi të fitonte betejën me COVID aktori i njohur Guljelm Radoja.

Ndërkohë vendi unë ka dalë edhe nga harta e kuqe e COVID në botë, duke u renditur mes vendeve që kanë një trend në rënie të rasteve me COVID dhe përmirësim të situatës me pandeminë.  

Ditën e djeshme në vend mbërritën 11700 doza të vaksinës Pfizer, ku 7020 vaksina janë nga kontrata që qeveria ka me kompaninë Pfizer dhe pjesa tjetër prej 4680 nga mbështetja e Bashkimit Europian për Ballkanin Perëndimor. Në vendin tonë po përdoren deri më tani katër lloje vaksinash, Pfizer, AstraZeneca, Sinovac dhe Sputnik V, ndërsa procesi i vaksinimit po vijon me kalendar të kombinuar, për personat mbi 60 vjeç dhe punonjës të shërbimeve kritike.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57