Mbi 31 mijë të huaj hynë çdo ditë në Shqipëri gjatë majit, 973 mijë turistë! Bumi zhvlerëson valutat, euro zbret në 100.2 lekë

Më shumë se 31 mijë të huaj kanë hyrë mesatarisht çdo ditë në Shqipëri përgjatë muajit të kaluar. Shifrat e INSTAT tregojnë se në maj në vend kanë hyrë 973,688 të huaj ose 38,1% më shumë krahasuar me vjet. Po me të njëjtin ritëm po udhëtojnë edhe shqiptarët, pasi mbi 662 mijë rezidentë kanë dalë jashtë vendit në muajin që kemi lënë pas, tendencë në rritje e ndikuar edhe prej biletave të lira.

Këto shifra, që dëshmojnë për një rekord të ri turistik, po ‘fundosin’ valutat në vend, e kryesisht euron dhe dollarit për shkak të flukseve valutore që po hyjnë në vend. Turistët e huaj vetëm në tremujorin e parë sollën afro 788 milionë euro, shifër që pritet të jetë më e lartë për tremujorin e dytë të vitit.

Shtimi i sasisë së euros në treg ka bërë që ajo të prekë vlerën më të ulët të këmbimit në maj me 100 lekë kur shitej nga zyrat e këmbimit dhe 99 lekë kur i blihej qytetarëve. Aktualisht euro po këmbehet me 100.2 lekë, kurse dollari ka zbritur në 93 lekë.

Po ashtu bumi turistik me 3.3 milionë të huaj në 5 muaj ka shtuar edhe nevojën për mallra, duke rritur peshën e importit. Sipas të dhënave të INSTAT nga muaji janar deri në fund të majit, janë blerë nga jashtë ushqime me vlerë 594 milionë euro nga 551 milionë euro në 5-mujorin e parë të 2023-shit. Vetëm vlera e zarzavateve të importuara në këtë periudhë përllogaritet në 23 milionë euro shifra më e lartë e regjistruar ndonjëherë.

Edhe sipas të dhënave të Doganës, në 5 mujorin e parë të vitit është rritur me 220 tonë importi i birrës, me 150 tonë janë shtuar importet e kafes si dhe u blenë 47 tonë cigare më shumë se vjet.

IMPORTI I USHQIMEVE E PIJEVE
Janar-Maj 2023           551,961,227 euro
Janar-Maj 2024           594,484,391 euro
Rritja                          +42,523,164 euro

K.T./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ikor: 25/06/2024 08:46

    Ku i gjeni këto statistika? Numëroni shqiptarët e Kosovës e Maqedonisë, shofertaksi me pasaportë të huaj, pilotët e huaj sa herë hyjnë e dalin? Shqiptarët e Shqipërisë me pasaporta të huaj sa herë hyjnë e dalin? Turizmi bum bum bum është urdhri.

    Përgjigju
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Këshilli Bashkiak miraton projektin e ri “Ecole 24”: Kurse falas në teknologji për të rinjtë

Këshilli Bashkiak miraton projektin e ri “Ecole 24”: Kurse falas në teknologji për të rinjtë