POP 5

Lajmet më të lexuara të 5 minutave të fundit

Mbi 58% e shqiptarëve nuk arrijnë pagën mesatare në vend! Aksioni anti-informalitet rriti numrin e të punësuarve me rroga 30-40 mijë lekë

Më shumë se gjysma e punonjësve në vendin tonë paguhen më pak se 60 mijë lekë që është paga mesatare. Sipas Institutit të Statistikave, as aksioni kundër evazionit nuk arriti të prodhonte efektet e pritura, por ka rritur numrin e punonjësve që marrin të deklaruara nga 30-40 mijë lekë.

TIRANË- Në valën e mungesës së punonjësve në shumë sektorë të ekonomisë, përsëri pagat mbeten të njëjtat. Si një nga instrumentet për të tërhequr punonjës, pagat mbeten nën mesataren e raportuara nga INSTAT, çka e bën më të vështirë gjetjen e punonjësve.

Më shumë se 58% e të punësuarve në vend marrin paga deri në 50 mijë lekë, ndërkohë që paga mesatare bruto në vend vlerësohen nga INSTAT 59.242 lekë në tremujorin e parë të vitit. Sipas raportit në fund të muajit mars më shumë se 21% e të punësuarve kishin pagë minimale, nga 29.9% që ishte niveli në fund të 2021, duke u ulur me 8.8%.

Në këtë ulje të numrit të punonjësve me paga minimale ka ndikuar edhe plani anti-informalitet që nisi në fillim të janarit, pasi u zbulua publikisht nën deklarimi i pagave pas daljes së databazave, ku profesione të mirë-paguara deklaroheshin me paga minimale.

Por korrigjimi i pagave sipas asaj që tregojnë të dhënat e INSTAT ka qenë minimal, pasi rritja më madhe e numrit të punësuarve është me paga 30-40 mijë lekë. Konkretisht 23.3% e të punësuarve në vend kanë paga deri 40 mijë lekë, nga 17% që ishte niveli në fund të 2021. Rritje është regjistruar edhe tek ajo kategori punonjësish që merr nga 40 mijë lekë deri në 60 mijë lekë, me rreth 3% në raport me vjet.

Vetëm 42% e të punësuarve në vend marrin paga mbi mesatare, nga kjo kategori vetëm 5.5% e punonjësve klasifikohen të pasurit e vegjël e që marrin mbi 120 mijë lekë në muaj, nga 6.2% që ishte në fund të vitit të shkuar.

Pagat e ulta konsiderohen si shkaku kryesor për mungesën e punonjësve në treg, dhe për largimin e të arsimuarve dhe jo vetëm nga tregu.

B.K./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Historia e kremtimit të Krishtlindjeve

Historia e kremtimit të Krishtlindjeve

25 Dhjetor, 07:45