Deputetët në Landfillin e Sharrës, opozita llogari për incenerimin! Sot menaxhohen mbetjet me 29 €/ton, Basha propozoi 37 €/ ton

TIRANË- Tre deputetë të opozitës, Belind Këlliçi, Ina Zhupa dhe Jorida Tabaku, dhe 4 deputetë të mazhorancës, Ermonela Felaj, Besjan Ajazi, Etjen Xhafaj dhe Antoneta Dhima pas mbledhjes në kryesi të kuvendit në komisionin e inceneratorëve, shkuan për të parë nga afër landfillin e Sharrës, nëse është vënë në punë impianti për djegien e mbetjeve urbane dhe prodhimin e energjisë, të qarkut të Tiranës dhe së fundi edhe Bashkisë së Durrësit.

Aktualisht, në landfillin e Sharrës menaxhimi i mbetjeve bëhet duke diferencuar mbetjet dhe duke i groposur brenda hapësirës territoriale të landfillit.

Kontrata me privatin “Integrated Energy” është lidhur në 2018 dhe 1 ton mbetje për t’u menaxhuar i kushton njësive vendore, në këtë rast Bashkisë së Tiranës,  29 euro. Por në fakt, demokratët që sot kërkojnë llogari për kosto të larta të menaxhimit të mbetjeve nga buxheti i shtetit, në planin e tyre të vitit 2013, me firmë të Lulzim Bashës kur drejtonte Bashkinë e Tiranës, e kishin parashikuar koston e menaxhimit 37 euro për 1 ton me kontratë 20-vjeçare, pra më shtrenjtë.  Megjithë akuzat e sotshme, demokratët nuk kanë një propozim për një mirëmenaxhim më me pak kosto për mbetjet. 

"Punimet nuk kanë një datë fillimi, por është një ndërtim i shtrirë në vite. Zbatimi i punimeve fillon nga date e pajisjes së kompanisë me të gjitha lejet e nevojshme. Nga ajo datë lejet e ndërtimit janë zbardhur në nëntor 2020 dhe grafiku i punimeve nis operimin e vetë nga data e zbardhjes së lejes. Çdo ditë nga dita e parë e deri më sot çdo mbetje që ka ardhur këtu është marrë dhe është procesuar sipas kushteve të kontratës.  Tarifa e përcaktuar është e dakordësuar mes palëve dhe paguhet për menaxhimin e mbetjeve sipas kontratës. Shoqëria është brenda afateve të kontratës për ndërtimin e disa loteve. Koncensionari ka nisur operimin e tij në 1 janar 2018 dhe nga nëntori 2020 i lind detyrimi, me zbardhjen  e lejes së ndërtimit, për ndërtimin e të gjithë veprave ashtu siç ka vepruar deri në ne jemi ende brenda afateve të ndërtimit deri në 2026. Ndërtimi i impiantit nuk bëhet brenda ditëve dhe ka afatet e veta  dhe do kohën e vetë, fusha është bërë gati", tha Inxhinieri.

Aktualisht, në landfillin e Sharrës menaxhimi i mbetjeve bëhet duke diferencuar mbetjet dhe duke i groposur brenda hapësirës territoriale të landfillit.

Kontrata me privatin “Integrated Energy” është lidhur në 2018 dhe 1 ton mbetje për t’u menaxhuar i kushton njësive vendore, në këtë rast Bashkisë së Tiranës,  29 euro. Por në fakt, demokratët që sot kërkojnë llogari për kosto të larta të menaxhimit të mbetjeve nga buxheti i shtetit, në planin e tyre të vitit 2013, me firmë të Lulzim Bashës kur drejtonte Bashkinë e Tiranës, e kishin parashikuar koston e menaxhimit 37 euro për 1 ton me kontratë 20-vjeçare, pra më shtrenjtë.

Megjithë akuzat e sotshme, demokratët nuk kanë një propozim për një mirëmenaxhim më me pak kosto për mbetjet.

Pyetje: Sa ka kushtuar në kohën e PD një ton mbetje në landfillin e Sharrës dhe sa paguhet sot?

"Ka qenë tjetër mënyrë menaxhimi. Nuk ka qenë me koncesion por administrohej nga ndërmarrja nr.1 e Bashkisë Tiranë me firmat e pastrimit, nuk kishte asnjë tarifë pastrimi, kishte një procedurë tjetër. Ndërkohë që sot për të njëjtën procedurë që kryhej më parë vetëm se janë mbjellë këto pemë dhe janë vendosur bojë kësaj godite paguajmë 29 euro për ton mbetje", tha Tabaku

Pra sipas planit të Bashës, 37 euro për ton, është kostoja për grumbullimin e mbetjeve dhe depozitimin në ladfill, ndarjen dhe groposjen e tyre, por jo incenerimin. Ndërkohë që me kontratën e lidhur me “Integrated Energy” 29 euro për ton, është kostoja që përfshin rehabilitimin e mbetjeve ekzistuese në ish landfillin e mbetjeve që është trashëguar para vitit 2018, selektimin e mbetjeve për të nxjerrë mbetjet e riciklueshme,  djegien e mbetjeve me fuqi të përshtatshme kalorifike për prodhim energjie dhe depozitimin në landfill të mbetjeve organike me nivel të lartë lagështie, si dhe trajtimin e ujërave të ndotura që gjenerohen nga proceset teknologjike të trajtimit të mbetjeve.

" Jashtë 29 euroshit është lënë kostoja e kompanive kontraktore që grumbullojnë mbetjet", tha Tabaku

Kontrata për landfillin e Sharrës është firmosur nga Ministria e Mjedisit, në kohën kur drejtohej nga Lefter Koka me afat 30-vjeçar me Integrated Energy, me vlerë 128.2 mln euro, për ndërtimin, mbylljen e vend-depozitimeve dhe prodhimin e energjisë përmes incenerimit, që e përballon të gjithë kompania private. Pra, për 30 vite që është kontrata, kompania nxjerr vlerën e invesimin dhe fitimin gjatë kohës së trajtimit të mbetjeve. 

Komisioni Hetimor për inceneratorët u mbajt sot mes debateve të ashpra të opozitës dhe mazhorancës! Kryetarja e këtij Komisioni Hetimor, Jorida Tabaku e konsideron inceneratorin e Tiranës një aferë kriminale pasi janë shkelur procedurat, e ndërsa ka njoftuar sot ka gati padinë penale për një sërë institucioneve. Në fjalën e saj, Tabaku tha se këto institucione nuk kanë sjellë informacionet që i duhen Komisionit, duke ua vështirësuar punën. Mirëpo në përgjigje të këtyre akuzave, nënkryetarja e Komisionit, Ermonela Felaj tha se janë marrë e-mail zyrtare.  Ajo u ndal te çmimi prej 29 eurosh që paguhet për ton, ku tha se nuk është një tregues që ka një aferë korruptive, pasi duke e krahasuar me vendet e tjera të BE-së, është në pothuajse të njëjtat nivele.

Javën e ardhshme, në Komisionin Hetimor për inceneratorët janë thirrur për të dëshmuar disa zyrtare, mes të cilëve edhe kryeministrit Rama, por që seanca me të pritet të shtyhet në një tjetër moment, pasi të dielën niset drejt Shteteve të Bashkuara të Amerikës. 

Rendit zhvillimet sipas orarit:

Të Fundit Të Parat

B.K./I.K/Shqiptarja.com

TAG:
• bashkia e tiranes
• Tirane
• ERMONELA FELAJ
• Jorida Tabaku
• ligji per komisionet hetimore