POP 5

Lajmet më të lexuara të 5 minutave të fundit

Kultura

Mbretëresha Geraldinë në një ekspozitë, Arkivi: Pinte çaj me të vobektit, mendoi për Shqipërinë dhe pas largimit! Princ Leka: E dashuruar me këtë vend

2 dekada pas ndarjes nga jeta të Mbretëreshës Geraldinë, Drejtoria e Arkivave dhe Familja Mbretërore çelin një ekspozitë të hapur në nder të saj. Telegrame e fotografi, me momente të fejesës, martesës e lindjes së trashëgimtarit

Shënohen dy dekada nga mungesa e saj fizike. Mbretëresha Geraldinë, vjen e rrëfyer përmes një ekspozite të hapur në Kalanë e Tiranës.  Telegrame, fotografi, momentet më me peshë në jetën e saj, Familja Mbretërore e Drejtoria e Arkivave e prezantojnë si “Trëndafilin e bardhë”. Princ Leka II në ekspozitë erdhi bashkë me të bijën. Në fjalën e tij, ai tha se komunizmi i ka bërë padrejtësi historisë, e tanimë ka ardhur koha që roli i Geraldinës, të njihet siç ka qenë.

“Historia duhet trajtuar pa paragjykime dhe ne duhet të ndihemi krenarë që kemi gjak shqiptari. Geraldina, ishte mbretëreshë e shqiptarëve. Një shqiptare e bindur e dashuruar me vendin e vet”- tha ndër të tjera Princi Leka II.

“Mbretëresha Geraldinë është një figurë shumë interesante, që del akoma më në pah nëpërmjet dokumenteve të Drejtorisë së Përgjithshme të Arkivave. Geraldina e mbajti Shqipërinë në zemër dhe luajti një rol të rëndësishëm në emancipimin e gruas shqiptare.”- u shpreh Bido.

Specialisti i arkivave Denald Prifti, e ka konceptuar ekspozitën në tri pjesë.

“Jemi munduar që të sjellim mbretëreshën Geraldinë në disa dimensione të ndryshme, ku përfshihet momenti i saj i fejesës me mbretin Zog, martesa, lindja e trashëgimtarit e të tjerë”, shprehet Prifti.

Një nga aspektet më të veçanta të mbretëreshës që ai veçon, është ai bamirës.

“Është mbretëresha e të varfërve. Një nga veprimet e saj të para, ka qenë pirja e çajit me të vobektit e Tiranës”, shton më tej.

Ndërsa për letërkëmbimet e saj me udhëheqës botëror, vë theksin veçmas tek urimet në ditë të veçanta, si ajo e martesës, apo lindja e trashëgimtarit.

Jo vetëm këto materiale, por edhe shumë prej studimeve historike të prezantuara deri më tani, e sjellin Geraldinën tek publiku, pa dritëhije e dashamirëse ndaj popullit shqiptar.

“Ishte një zonjë e vërtetë e kohës, e cila kur u martua me mbretin Zog, në atë periudhë të shkurtër që qëndroi në Shqipëri, kishte një aktivitet social, si përsa i përket emancipimit të gruas dhe përsa i përket bamirësisë, apo ndërlidhjeve që krijoi edhe me familjet kryesore të kryeqytetit, dhe më pas edhe pas vitit 1939 ajo me fëmijë të vogël iku nga Shqipëria, dhe gjithë jetën e saj ia kushtoi në formën që ajo mundte shtetit shqiptar, duke qëndruar në një distancë me politikën ku do të mund të vendosej në pikëpyetje.  

Ekspozita do të qëndrojë e hapur në Kalanë e Tiranës, edhe gjatë ditës së premte.

/G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Likja: 28/10/2022 14:53

    Ku e gjeti mbreterine ky zogolli qe mbreteroi nga viti 1928 deri ne 6 prill 1939 duke marre floririn duke nxjerre pushket jasht funksioni dhe arratiset duke tradhetuar vendin

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Aktivitetet kulturore/ ‘Arrëthyesi’, baleti emblematik i Krishtlindjes te Opera, dy shfaqje teatrore

Aktivitetet kulturore/ ‘Arrëthyesi’, baleti emblematik i Krishtlindjes te Opera, dy shfaqje teatrore

25 Dhjetor, 09:59 nga Blerina Goce