Mbreti i Jordanisë: Ne jemi të palëkundur, nuk ka siguri në Lindjen e Mesme derisa palestinezët të marrin shtetin e tyre

Mbreti i Jordanisë, Abdullah II thotë se nuk do të ketë siguri dhe stabilitet në Lindjen e Mesme derisa palestinezët “të marrin shtetin e tyre të pavarur dhe sovran në kufijtë e 4 qershorit 1967, me Jerusalemin Lindor” si kryeqytet.

“Ne mbetemi të palëkundur dhe nuk do ta braktisim rolin tonë, pavarësisht sa të mëdha janë sfidat, për të mbrojtur shenjtërinë islame dhe të krishterë në Jerusalem”, u tha ai deputetëve në një fjalim në hapjen e një sesioni të ri parlamentar, raporton Al Jazeera.

LEXO EDHE:
Presidenti i Argjentinës vizitë në Izrael në shenjë solidariteti

Prej 4 ditësh, vijojnë luftimet e përgjakshme mes Izraelit dhe Hamasit, duke shkaktuar me mijëra viktima e të plagosur.

Forcat e Mbrojtjes së Izraelit (IDF) thanë se avioni i parë me armë nga SHBA ka mbërritur në bazën ajrore Nevatim në Izraelin jugor të martën vonë në mbrëmje.

Presidenti i SHBA-së Joe Biden telefonoi kryeministrin izraelit, Benjamin Netanyahu, të shtunën, për të theksuar mbështetjen e vazhdueshme të vendit të tij për Izraelin.

Lajmi kryesor:

Lufta/ Gaza në terr, fiket centrali, vriten 11 anëtarë të OKB! Izraeli formon qeverinë emergjente, përgatitet për 'luftë me dy fronte' nëse sulmon grupi libanez Hezbollah

S.S/Shqiptarja.com

TAG:
• sulmohet izraeli