POP 5

Lajmet më të lexuara të 5 minutave të fundit

Dosje

Mbreti i parë i Shqipërisë, një
odise mashtrimesh deri në va

Është e çudishme se sa fakte dhe momente nuk dimë nga historia një shekullore e shtetit tonë.Disa prej tyre kanë qenë tragjike ndërsa të tjera groteske dhe qesharake.Ishte momenti kur në verën e vitit 1913, pas terheqjes se Esat Toptanit nga qeveria e Ismail Qemalit, kjo e fundit e humb gradualisht kontrollin e saj mbi vendin, duke kontrolluar vetëm Vlorën e krahinat përreth.
Mbreti i parë i Shqipërisë, një<br />odise mashtrimesh deri në va
TIRANE - Është e çudishme se sa fakte dhe momente nuk dimë nga historia një shekullore e shtetit tonë. Disa prej tyre kanë qenë tragjike ndërsa të tjera groteske dhe qesharake.Ishte momenti kur në verën e vitit 1913, pas terheqjes se Esat Toptanit nga qeveria e Ismail Qemalit, kjo e fundit e humb gradualisht kontrollin e saj mbi vendin, duke kontrolluar vetëm Vlorën e krahinat përreth. Nga ana tjetër fuqitë e mëdha nuk kishin marrë një vendim përfundimtar për Shqipërinë dhe nuk kishte dale ende në skenë emri i Mbretit që këto fuqi do të vendosnin në këtë shtet të sapolindur.

Në këto rrethana shfaqet një personazh misterioz dhe i çuditshëm që quhej Oto Vite (Otto Witte).  Ai u lind në një fshat të Magdenburgut më 1871 dhe u rrit në Berlin. Etja per aventurë e bëri të shëtiste përtej Europës duke u vendosur më pas në Stamboll. Në vitin 1911 punon në shërbimin e fshehtë të Sulltanit, ose me mirë pretendon se ka punuar, duke parë nga afër shpërbërjen e Perandorisë Otomane pas luftës së parë ballkanike në 1912, ku shumë provinca u shkëputën, ndër to edhe Shqipëria.

Oto Vite hyn menjëherë në rol, udhëton nga Stambolli në Vjenë ku siguron një garderobë të përshtatshme dhe një uniformë ceremoniale duke qenë i kujdesshëm për njenjat dhe simbolikën. Zbarkon në Durrës, de facto kryeqyteti i Shqipërisë së atëhershme dhe prezantohet si nip i Sulltanit, Princ Halim Edine. Popullsia vendase me ndjenja të ngrohta otomane dhe sidomos disa trupa turke që nuk ishin larguar ende nga Shqipëria, e pritën me brohoritje dhe e kurorëzuan si Mbret i Shqipërisë në gusht 1913. Mbretërimi i tij zgjat disa ditë, ku mbreti i rremë kujdeset per ngritjen e haremit dhe arkës mbretërore. Durrësi ishte qytet ku ndodheshin shumë përfaqesi të huaja dhe nuk vonoi që e vërteta të dilte në shesh.

Pas demaskimit Vite, u largua me nxitim nga Shqipëria drej Gjermanisë, me ndihmën e një gruaje dhe me një shumë të konsiderueshme parash me vete.

Historianët gjermanë ndahen nëse kurorëzimi i tij është bërë i rregullt apo jo, pasi sipas tyre duhet të ndiqej një procedurë specifike dhe e gjatë kohore, por duke njohur Shqipërinë e kohës askush nuk do të interesohej për këto procedura ceremoniale.
 
Oto Vite vazhdon shfaqjen e tij si ish-Mbret i Shqipërisë duke shfrytezuar çdo rast, shfaqje, duke u duartrokitur nga spektatorë dhe duke shkuajtur tregime fantazioze në faqe revistash dhe gazetash.
Në pasaportën e tij të periudhës Perandorake, Republikën e Vajmarit, Regjimin Nazist dhe në atë të Republikës federale Gjermane do të shkruhej  -ish Mbret i Shqipërisë. Në vitin 1950 vendoset në Hamburg së bashku vajzën e tij  pricesh Elfride  ku më pas vdes në vitin 1958.
Në varrezën Ohldorf gjendet edhe sot një varr me mbishkrimin Otto Witte ish-Mbret i Shqipërisë.

Shkrimi u publikua sot (2.04.2014) në gazetën Shqiptarja.com (print)

Redaksia Online
(d.a/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04