Ish-kryeministri Sali Berisha sulmoi dhe kërcënoi gazetarët ditë më parë, duke i quajtur edhe si “grup në shërbim të SPAK”, në lidhje me dosjen “Partizani”.
Edhe gazetari Andi Bushati mbështeti tezën e ish-kryeministrit, (kujtojmë se Berisha e intimidoi madje publikisht Bushatin pas 21 Janarit 2021, duke e etiketuar si puçist apo edhe si ‘Nipi i Hysni Kapos’).
Por nuk është dakord me Bushatin gazetarja e kronikës Anila Hoxha, e cila ka replikuar me kolegun me një postim ironik, duke i kujtuar kohën se si “komplotistët apo papagajtë gazetarë” e mbronin atë kur SPAK-u e hetonte për “Lapsin”.
Ndërkohë që Bushati i quajti ata “papagaj që dezinformojnë publikun”.
Reagimi i Anila Hoxhës:
“I dashur Bushat!
Vendosa të rrëfehem.
Ndaj po tregoj se si funksionon banda e gazetarëve të SPAK, me një nga krimet që ti nuk e di që ta kemi bërë ne!
Ne, banda e gazetarëve të SPAK, kur prokurorët të kërkuan të paraqiteshe, të morëm peng dhe të pyetëm me dhunë atë ditë e në vijim.
Ti ishte thirrur nga SPAK për çështjen e të dhënave personale dhe ne anuluam menjëherë pushimet dhe jetën luksoze prej banditësh.
Zumë si pikë strategjike derën e SPAK dhe u vendosëm aty. Ca nga një anë, e ca nga ana tjetër.
Nja 20 kameramanë gati për të qëlluar, u vendosën përballë. Qëndruam pa lëvizur, jo në ajër si papagajtë, por në këmbë, se na thanë ky sport është më i kërkuari.
Madje madje, nuk u lodhëm asnjë çikë duke të pritur.
Kur dole, ishim këmbëngulës, të rrethuam me mikrofonë dhe s’të lamë te ikje.
Nga do na ikje, ne jemi shumë të rrezikshëm dhe nuk na shpëtoje dot.
Dhe u dorëzove, ti fole dhe publiku dëgjoi shkeljet që ishin bërë nga SPAK për “Lapsin” dhe lirinë e medias.
Në atë kohë rezulton se banda të dhunoi me pyetje, të keqtrajtoi mbasi ishte gozhduar me orë të tëra në derë te godinës se qelqtë.
Secili kishte një rol në atë krim të bandës, njëri hyri live, tjetri shqetësohej mbi standardin që po ndiqte SPAK me sekuestrimin e pajisjeve të punës të gazetarëve
Secili veproi me shpejtësi preçize, sikur të ishte snajper, duke njoftuar ndonjë anëtar të bandës që mungonte. E urdhëruam që të paraqitej shpejt në SPAK se "nuk mund të bënim si palaço" dhe të të linim vetëm.
Kjo bandë e rrezikshme, nga më te rrezikshmet që ka parë Shqipëria, raportoi hap pas hapi dinamikën e veprimeve të prokurorisë, gjyqësorit. Në finale edhe Strasburgun, në mënyrë aq të organizuar saqë konkurron edhe Cosa Nostrën.
Më pas banda e la derën e SPAK. U kthye në redaksi dhe u kujdes që për gjëmën e dhunimit të medias të raportonte përtej orarit zyrtar dhe të ishte prezente edhe ne edicionet e tjera”.
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
Andi Bushati konja klysh komonisti na ēshtē bēr demutkrat i flakēt. E tē thuash tē vērtetēn Andi si konja e komonizmit si haron mēsimet e xhaxhi kriminelit Enver. E ça do prisni ju nga njē kone si Andi.
Përgjigju