Mbyllet java e 19/ Partizani s'përfiton nga humbja e Tiranës, Erzeni mposht dhe parakalon Vllazninë në renditje! Kastrioti i fundit (TABELA)

Partizani e ka çuar në katër numrin e ndeshjeve pa fitore në Superligë, pasi për javën e 19 ka barazuar 1-1 me Egnatian në kryeqytet. Për të parë golin e parë në stadiumin ‘Partizani’ u desh të vinte minuta e 80, me Hotin i cili entuziazmoi tifozët dhe krijoi përshtypjen e një fitoreje. Gjithsesi festën do ta prishte sulmuesi Dëamena i rrofozhinasve, i cili me forcë vulosi shifrat, duke mos i dhënë mundësi Partizanit të rikuperojë shumë për kreun.

Të kuqtë mbajnë vendin e dytë në kampionat, me 3 pikë më pak se Tirana kryesuese që këtë javë u mposht 2-0 në Kukës. 

Ndërkohë surprizë ishte edhe humbja e Vllaznisë, që në Durrës u mposht 3-2 nga Erzeni. Shijakasit kaluan të parët në avantazh me një autogol të Smajlit, ndërsa deri në fund patën gjithmonë epërsinë e një goli. Falë kësaj fitoreje Erzeni parakaloi Vllazninë në renditje dhe aktualisht ndodhet në vendin e 3 me 1 pikë më shumë se shkodranët.

Më herët Laçi fitoi me përmbysje 4-3 kundër Teutës, duke i dhënë fund ecurisë pozitive të durrsakëve që gjithsesi renditen të parafundit. Sakaq klasifikimin e mbyll Kastrioti që të dielën u mposht 1-0 nga Bylisi. (Tabela e renditjes)

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Autoriteti Palestinez formon kabinetin e ri

Autoriteti Palestinez formon kabinetin e ri